«sayrashmoq» boʻyicha 6 ta natija
fl. Sayramoq feʼlining birgalik nisbati.
fl. 1. Yoqimli ohangdor ovoz chiqarmoq, xonish qilmoq (qushlar haqida).
Atrofiga ekkan toza shamshod gul, Har shoxida sayrab oʻtirar bulbul. — Ravshan
Tolda chumchuq sayraydi, Tol bargini chaynaydi, Tol bargi achchiq ekan, Yurakka sanchiq ekan. — Xalq durdonalari
Hovlidagi yongʻoqning tepa shoxiga qoʻnib olgan zargʻaldoq biyov-biyov deb sayrardi. — M. Mansurov, Yombi
2. koʻchma Yoqimli, shirali ovozda qoʻshiq aytmoq.
Sozandalar joʻrida xushovoz xonanda bulbuldek sayrardi.
3. Yoqimli, jarangdor ovoz chiqarmoq (musiqa asbobi haqida).
Dutorimning torlari qoʻsh bulbuldek sayraydi. — Qoʻshiqlar
4. koʻchma salb. Tinmay gapirmoq, vaysamoq, javramoq.
Joʻralari orasida shirin suxanlik bilan tanilgan Olimxon sayrayverdi. — Oybek, Tanlangan asarlar
— Juda sayrab yubordingiz, bekam! — dedi iljayib Zavrak, — sizni bir qadrdon singlim deb hurmat qilib gapirmoqchi boʻlgan edim. — Mirmuhsin, Meʼmor
5. koʻchma Tez, shiddat bilan ovoz chiqarmoq (pulemyot, minomyot, avtomat va shu kabilar haqida)
Bir zumda pulemyotlar sayrab ketdi. — J. Sharipov, Xorazm
6. koʻchma Koʻzni quvontirmoq.
U [qizim] tikkan mahsilarni qoʻlingga ol-u, tomosha qil — sayraydi-da. — Oybek, Tanlangan asarlar
sft. Yaxshi sayraydigan, sayratish uchun boqiladigan (bedana haqida).
Sayratma bedana.
Sayratmalarning ishqibozlari toʻrqovoqlarini olib chiqib, tollarga ilib qoʻyishadi, kimniki oʻzarga oʻynashadi. — R. Fayziy, Hazrati inson
fl. Sayramoq feʼlining orttirma nisbati.
fl. Sayratmoq feʼlining orttirma nisbati.
