Қидирув

сфт. 1. Ўқиш-ёзишни биладиган, саводи бор.

Ҳамза болаларнинггина эмас, катталарнинг ҳам саводли бўлишини истарди. — Н. Сафаров, Оловли излар

Мен сизни ўқитиб, саводингизни чиқариб қўяман. Сиз юртингизга саводли бўлиб бора сиз. — П. Турсун, Ўқитувчи

2. Билимли, маълумотли; кўп ўқиган, мустақил фикрловчи.

Онам диний-дунёвий китобларни ўқиган, саводли, ниҳоятда сабрли, меҳр-у оқибатли аёл бўлган. — Шукрулло, Жавоҳирлар сандиғи

Саводли ўз ҳақини таниган бўлади, бинобарин, уни алдаш осон бўлмайди. — К. Яшин, Ҳамза

от 1. Ўқиш-ёзишдан хабардорлик; хат-савод.

Анвар тахтадан ўқиш бошлади, зеҳнининг тиниқлигидан бўлса керак, ўн бир ёшида саводи чиқаёзди. — А. Қодирий, Меҳробдан чаён

Мана, 3-синф саводимиз бор, ўқиш-ёзишни биламиз. — Ёшлик

2. Бирор соҳа бўйича энг зарурий билим, маълумот.

Ҳуқуқий саводнинг мукаммаллиги давр талабидир. — Газетадан

3. Умуман, билим, тушунча, тажриба.

— Саводингизни анча чиқариб қўйишибдими? — Ким? — Билмасам. Домлангиз. Домлаларингиз. — Менинг домлам ёʻқ, домлам — икки кўзим. — А. Қаҳҳор, Қўшчинор чироқлари

от 1. Аҳоли маданий савияси кўрсаткичларидан бири: оддий матнларни ўқий олиш ёки уларни ўқиш ва ёза олиш кўникмасига эгалик.

2. Одамнинг адабий тил меъёрларига мувофиқ келадиган оғзаки ва ёзма нутқ малакаларига эгалиги.

3. Муайян соҳа бўйича етарли билимга эгалик.

Техник саводлилик. Ҳуқуқий саводлилик. Тиббий саводлилик.

сфт. Хат-саводи бор, ўқиш, ёзишни биладиган.

Турсунбува дуойи саломни ўқитиш учун бутун қишлоқда бирор хат-саводли киши тополмасдан, мулла қидириб, Наманганга тушишга мажбур бўлган эди. — Газетадан

сфт. 1. Ўқиш-ёзишни билмайдиган, саводи ёʻқ.

— Ахир улар саводсиз-ку, газетани нима қилишади? — кулди Каримбой. — К. Яшин, Ҳамза

2. Етарли билими, маълумоти ёʻқ.

Ўзи билмайди-ю, менга ўргатганига куяман! Сенга ўхшаган саводсизлар бўса-бўмаса дейди. — А. Қаҳҳор, Санъаткор

сфт. 1. Ўқиш-ёзишни биладиган, хат-саводли.

Саводхон одам.

2. айн. Саводли 2.

Асарда Ҳасан овчининг опаси сифатида гавдаланадиган бу отин ўша даврдаги тақводор, анчайин саводхон, тўй-маъракаларни бошқарадиган аёллар типининг умумлашма образидир. — ЎТА