Поиск

ot 1. Tovarni sotish, ayirboshlash bilan bogʻliq boʻlgan ikki tomonlama munosabatga doir muomala; oldi-sotdi, savdo-sotiq.

Savdo xodimi. Savdo korxonasi. Tashqi savdo.

Bir kuni qaynotasi Yodgorga maslahat soldi: — Qachongacha qishlik-qirovlik kunlardayam loy changallab yurasiz. Savdoga kiring. Savdoda gap koʻp. — Oʻ. Hoshimov, Qalbingga quloq sol

Oʻzingizga maʼlum, savdo ahli zararni yoqtirmaydigan, foydatalab xalq boʻladi. — K. Yashin, Hamza

Birorta odam savdo sohasida ishlasa, darrov odamlarning miyalariga egri fikr keladi. — F. Musajonov, Himmat

2. Oldi-sotdi muomalasida molning narxi toʻgʻrisidagi tortishuv.

Bozorning oʻrtasida qovun-tarvuzlar uyilib yotibdi. Savdo avjida. — R. Fayziy, Sen yetim emassan

3. koʻchma Savdo-sotiqdan tushgan pul.

Bugungi savdo yuz ming soʻmga yetdi.

sft. Tashvishli, mushkul.

Ayricha koʻringay har kasga dunyo, Borliqning savdoli ishlarin oʻylar. — R. Parfi, Koʻzlar

sft. 1. Aqldan ozgan, telba.

— Jinni boʻlibsan! Savdoyi boʻlib qolibsan! — dedi Salimxon Obidiy unga [xotiniga]. — Mirmuhsin, Umid

Hali oq-qorani tanimagan yigitcha bu qiyinchiliklar, vijdon iztiroblari oldida savdoyidek kalovlanib, taqdirning ayovsiz oʻyinlaridan garang boʻlib qolardi. — S. Ahmad, Ufq

2. Biror kimsa, narsa dardida es-hushidan ayrilgan.

Uning [Salomatning] koʻyida savdoyi boʻlib qolgan edim. — N. Qobil, Unutilgan sohillar

Xotinlar: — Bechora chol! Suyukli qizidan ayrilib, savdoyi boʻlib qoldi! — deb pichirlashar edi. — O. Yoqubov, Izlayman

[Boʻronboy:] Ishq dardi bedavo dard: roʻyirost gapirsam, ishq yoʻlida savdoyi boʻlganman. — K. Yashin, Hamza

ot Xususiy savdo-sotiq bilan shugʻullanuvchi, savdo-sotiqni kasb qilib olgan kishi.

Yirik savdogar. Mayda savdogar.

Qoʻqon savdogarlari faqat Turkistondagina emas, balki Moskva va Rossiyaning boshqa shaharlarida ham savdo-sotiq bilan shugʻullanar edilar. — K. Yashin, Hamza

Har kun mol narxi oshadi, bozorda savdogarlarning qulogʻi tikkaygan. — Oybek, Tanlangan asarlar

Mayda savdogarlar saqich, gilvata sotishardi. — I. Rahim, Ixlos

ot Savdoyi boʻlmoq.

ot Oldi-sotdi muomalasi.

Bozor sotuvchi va oluvchilar bilan gavjum, savdo-sotiq ishlarini terim mavsumida dalaga koʻchirish gʻoyatda muhimdir. — Gazetadan