Поиск

fl. Savamoq feʼlining orttirma nisbati.

fl. 1. ayn. Savalamoq.

2. Savagʻich bilan savab titmoq, yumshatmoq (paxta yoki jun haqida).

Paxta savamoq.

Ustaxonaga dam-badam toy paxta olib oʻtadigan aravakash paxta savab oʻtirgan qizlarga tegishgan boʻlib, ashulasini mavrididan burun avjga koʻtaradi. — A. Muxtor, Opa-singillar

Xira yomgʻir pardasidan tikilganda, qarichga kelib qolgan yashil gʻoʻza tuplarini jala, xuddi savagʻichda yung savaganday, qattiq savalayotganini koʻrish mum-kin edi. — H. Nazir, Soʻnmas chaqmoqlar

ot zool. Chumchuqsimonlar turkumiga mansub, rang-barang patli sayroqi qush.

Hozir bu ovozga tomlar va paxsa devorlardagi dakang xoʻrozlar qichqirigʻi, saʼva, bulbullar navosi qoʻshilishib, Qudratning xayolini olib qochdi. — H. Nazir, Soʻnmas chaqmoqlar

Ungurlarda sakraydi ohu, Naʼmatakda saʼva mitti jon. — A. Oripov

Savat qalpoq - ezib yumshatilgan bugʻdoypoya narsalardan toʻqilgan qalpoq

Shu vaqt otliqning savat qalpogʻi tagidan bilakday yoʻgʻon ikki oʻrim sochi tushib ketib, yelkasida osilganicha qoldi — Sunnatilla Anorboyev, Oqsoy

ot Bir marta savash uchun loyiq yoki bir savashda chiqarilgan paxta yoki jun.

Bir savam paxta.

Har qizning oldida bir savam paxta. — Oybek, Navoiy

Huv anavi, bir savam paxtaday oppoq bulut parchasi qirralariga shafaq, aksi urib turibdi. — J. Abdullaxonov, Toʻfon

ot Dum, band.

Olma savagʻidan uzilar. — Maqol