ot 1. Atmosferaning optik hodisa — notekis haroratga eta boʻlgan havo sharoitida nurlarning oʻziga xos sinishi natijasida ufq ortidagi (uzoqdagi) narsalarning xayoliy, soxta tasvirlarining paydo boʻlishi.
Dashtni toʻldirib turgan quyosh seli ostida oqayotgan Amu sarobi mavjlanadi. — S. Nurov, Suv qoʻshigʻi
Uzoqlar-da sarob jimirlaydi. Koʻl betida qovjiragan yantogʻ-u isiriq suzib yurganday — S. Nurov, Narvon
2. koʻchma Aldamchi tasavvur, xayolot, xomxayol.
[Navoiy:] Men haqiqat deb oʻylagan narsa sarob boʻlib chiqdi. Men saltanatimizni mustahkamlamoqchi boʻldim, ammo harakatlarim yelga ketdi. Uygʻun va I. — Sulton, Alisher Navoiy
Qani oʻsha baxt? Baxt deb izlagani sarob ekan. — Yoshlik