sft. 1. tar. Maʼlum ish yoki sohani boshqargan lavozimli kishi; yoʻl-boshchi.
Soliq yigʻish ishlarini boshqarish bek tomonidan tayinlanadigan sarkor qoʻlida boʻlgan. — F. Ozodayev, Toshkent tarixidan ocherklar
Bir koʻrayin Goʻroʻgʻli sarkorini, Koʻrayin yonida qirq navkarini. — Ravshan
2. Xiva xonligida: mudofaa istehkomlari va qalʼalarida oʻtsochar qurol-toʻpni olib chiqish ishlariga boshchilik qilgan odam.
3. Umuman, rahbar, ishboshi, boshliq.
Uxlayolmas tunda biroq Bosh injener Tesha sarkor. — Mirtemir
Sarkor olim oʻz atrofiga qobiliyatli yoshlarni jalb qilib, mashhur ilmiy maktab yaratdi. — Gazetadan