фл. 1. Харажат, чиқим қилмоқ, сарф қилмоқ
Пул сарфламоқ.
Пулни беҳуда сарфламанг, мулла, уч-тўртта гилам, бир-иккита сигир олиб қўйинг. — П. Турсун, Ўқитувчи
Тожи ёш хотинини яхши кўриб, унинг тўйи учун бор-ёʻғини сарфлаб юборган эди. — Мирмуҳсин, Меъмор
2. Ишлатмоқ, фойдаланмоқ, кетказмоқ, сарф қилмоқ.
Материални тежаб сарфламоқ. Меҳнат сарфламоқ.
Музей залларини безатишда илмий-таъмирчилик устахонаси меъморлари катта куч-ғайрат сарфладилар. — Газетадан
Эгаллаган илмимни жамият ёʻлида сарфлайман. — Х. Тўхтабоев, Ширин қовунлар мамлакати