Izohli lugʻat
· yana 3 ta lugʻatda
ot Chaynash uchun mum va archa shirasidan maxsus texnologiya bilan tayyorlanadigan modda.
Saqich chaynamoq.
Mayda savdogarlar saqich, gilvata sotishardi. — I. Rahim, Ixlos
[Xon oʻrdasi mirzosining] Madrasada oʻqib yurgan oʻgʻli va uyda saqich chaynab oʻtirgan oʻn olti yoshli qizchasi ham bor edi. — A. Qodiriy, Mehrobdan chayon
- Saqich boʻlmoq Gʻiybat, turli mish-mishlar sababchisi (obyekti) boʻlmoq. Men gap-soʻzdan qoʻrqmayman-u, el ogʻzida saqich boʻlish, mish-mishchilarni oʻchakishtirish ham havas emas. — A. Muxtor, Boʻronlarda bordek halovat
- Saqich qilib chaynamoq Bir gapni hadeb gapiravermoq, ezmalik qilmoq. Avvalo odamlarning ogʻziga tushma, ogʻziga tushganingdan keyin, saqich qilib chaynalasan. — I. Rahim, Zangori kema kapitani