«sanki» boʻyicha 97 ta natija: Izohli
ot s. t. Sen.
— San oʻgʻlimsan, — Yoʻlchiga mehr bilan tikildi chol. — Oybek, Tanlangan asarlar
a. سنة — yil
1. Yil hisobi; yil
2. Biror voqea sodir boʻlgan yil, oy, kun va shu haqdagi maʼlumot (yozuv)
Tarixiy sana. Sanasini aniqlamoq
Bobur Samar-qandni Shayboniyxondan tortib olgandan beri uning jasoratiga tan berib sheʼr yozganlar, satrlardan abjad hisobi bilan gʻalabasining aniq sanasini chiqargan tarixnavislar koʻp edi — P. Qodirov, Yulduzli tunlar
Odamzodning tarixiy voqealarga uygʻun koʻplab unutilmas sanalari bor — "Saodat"
ot shv. Tosh.
Ot koʻp boʻlsa, shunga loyiq chang qoʻzgʻalur, Kuchli qoʻshin toqqa yursa, sang qoʻzgʻalur. K. Yashin, M. — Rahmon, Sirdaryo
Aylanur inson boshidan Ming asr osmon yuki, Dona bugʻdoy uzra goʻyo Sangi tegirmon yuki. — E. Vohidov
ot 1. din. Xudoning, paygʻambarlarning shaʼniga aytilgan maqtov soʻzlar; madhiya, madh, hamd.
Otang bormi, enang bormi elingda? Xudoning sanosi bormi tilingda? — Ravshan
2. Umuman, maqtov, madhiya.
Zikri sano tilida, Tillo kamar belida. — Hasanxon
Gullar qoʻshigʻi Nargizning mislsiz husn-u jamolini, uning yoriga cheksiz sadoqatini sano etmoqda edi. — Sh. Rashidov, Asarlar
ot 1. Toshdan, yogʻochdan yoki metalldan inson qiyofasida (koʻpincha goʻzal ayol obrazida) yasalgan va ziynatlangan but.
Bu vaqtda ularning hammasi hayratdan qotib qolgan, uyning burchagida turgan sanamga oʻxshardilar. — Sharq yulduzi
Toʻrdagi devorda oqposhshoning yirik portreti, unga uy egasi sanamga sajda qilganday qarardi. — A. Hakimov, Ilon izidan
Bu davrda budda diniga oid turli osori atiqalar, sanamlar topildi. — Gazetadan
2. koʻchma Goʻzal, dilbar ayol, nozanin.
Sizday qizlar boʻldi bunda ulfatim, Yechib yubor, sanam qizlar, qoʻlimni. — Murodxon
ot 1. Ijtimoiy madaniyatning estetik zavq beruvchi, musiqa, musavvirlik, haykaltaroshlik kabi voqelikni badiiy obrazlar vositasida aks ettiruvchi har bir ayrim sohasi.
Tasviriy sanʼat. Meʼmorlik sanʼati. Sanʼat va adabiyot.
Dunyodagi har qaysi soha oʻz sanʼatiga va oʻz madaniyatiga ega. — Yoshlik
Kinematografchilar oʻz ijodiy rejalari, kino sanʼatini rivojlantirish toʻgʻrisidagi oʻylari bilan oʻrtoqlashdilar. — Gazetadan
Zargarlik sanʼati eng.koʻhna sanʼatlardan biri boʻlib, u dekorativ-amaliy sanʼat xili sifatida keng tarqalgan. — Gazetadan
2. Turli amaliy-tatbiqiy sohalarning oʻziga xos ish uslubi, sistemasi.
Harbiy sanʼat.
Uch-toʻrt kilometrga choʻzilgan tepalik harbiy-injenerlik sanʼati bilan uzoq yillar davomida qurilgan mustahkam qalʼaga oʻxshardi. — I. Rahim, Chin muhabbat
3. koʻchma Muayyan faoliyat sohasidagi yuksak mahorat, ustalik; isteʼdod.
Soʻz sanʼati. Notiqlik sanʼati.
Yosh xonandalar, raqqosalar oʻz sanʼatlarini namoyish etdilar. — Gazetadan
Fursatdan foydalanmoq oʻzi bir sanʼat, hunar. — Q. Muhammadiy
Kuldirishga sanʼat kerak, kulishga sof yurak. — Gazetadan
4. Adabiyotshunoslikda: badiiy asar poetikasini taʼminlovchi vosita.
Talmeh sanʼati.
Rujuʼ — maʼnaviy sanʼatlardan biri boʻlib, arabcha qaytish demakdir. — OʻTA
5. Sanʼat (xotin-qizlar va erkaklar ismi).
sanqi sangʻi Sandirokdab bekor yuradigan; bekorchi, sayoq, daydi. E, sanki boʻlmay oʻlsin Shotursun ham! Oʻshaning dastidan hech tinchlik yoʻk menga! F. Musajonov, Saboq
Bahrom hunarga qiziqqan shahzoda boʻlib, otasi bilan kelishmovchilik tufayli yurtidan ketadi. U oʻz hunari tufayli xavfli vaziyatdan qutulib, sevgisini topadi.
Shahzoda Shavkat sirli kiyikni quvib, oʻzga olamga tushib qoladi va u yerda parizod Mohistaraga oshiq boʻladi. Bu sarguzasht uning hayotini butunlay oʻzgartirib
Uch doʻstning har biri oʻz orzulari ortidan quvib, boylikka erishishga intiladi. Ertak kutilmagan voqealar va xayollar bilan toʻla boʻlib, ularning sarguzashtla
Ma'ruf yamoqchi firibgar xotinidan qochib, uzoq shaharga boradi va u yerda o'zining omadiga duch keladi. U topgan sehrli uzuk yordamida boylik va shon-shuhratga
esankiramoq, gangimoq, yanglishmoq
