Қидирув

фл. Санамоқ феълининг биргалик нисбати.

фл. 1. Ҳисобламоқ, ҳисоблаб сонини, миқдорини аниқламоқ; ҳисобини олмоқ.

Пул санамоқ. Жуфт-жуфт қилиб санамоқ. Ердан топсанг ҳам, санаб ол. — Мақол

Деворнинг пахсасини санаб кўрди, ўттиз пахса. — Нурали

У халтачасидаги кумуш тангаларидан санаб, Меъморга узатди. — Мирмуҳсин, Меъмор

2. Рақамлар номини айтмоқ.

Кимдандир юзгача санасанг, ухлаб қоласан деб эшитувдим. — Х. Тўхтабоев, Ширин қовунлар мамлакати

Бир, икки, уч! деб санаши билан ўзини сувга шалоплаб ташлади. — Ёшлик

3. Бирма-бир айтиб ўтмоқ, зикр қилмоқ.

Бош мақола бу одамлар яратган ва яратаётган, тажрибадан ўтган ва ўтаётган янгиликларни бирма-бир санаб уларга кенг ёʻл очиб бериш вазифасини қўяр эди. — А. Қаҳҳор, Қўшчинор чироқлари

4. кўчма Ҳисобламоқ, деб билмоқ.

Ёдгор Дилшоднинг унга яна зарда аралаш қараб қўйганини илғаб олди. Тағин ўзини айбдор санаб, юраги сиқилди. — Ў. Ҳошимов, Қалбингга қулоқ сол

Улар бу ёқда экан, — ўйлади у ўкинч билан. — Демак, улар мени одам санашмаган. Ў. — Ҳошимов, Қалбингга қулоқ сол

1. Йил ҳисоби; йил

2. Бирор воқеа содир бўлган йил, ой, кун ва шу ҳақдаги маълумот (ёзув)

Тарихий сана. Санасини аниқламоқ

Бобур Самар-қандни Шайбонийхондан тортиб олгандан бери унинг жасоратига тан бериб шеър ёзганлар, сатрлардан абжад ҳисоби билан ғалабасининг аниқ санасини чиқарган тарихнавислар кўп эди — П. Қодиров, Юлдузли тунлар

Одамзоднинг тарихий воқеаларга уйғун кўплаб унутилмас саналари бор — "Саодат"

от 1. Тошдан, ёғочдан ёки металлдан инсон қиёфасида (кўпинча гўзал аёл образида) ясалган ва зийнатланган бут.

Бу вақтда уларнинг ҳаммаси ҳайратдан қотиб қолган, уйнинг бурчагида турган санамга ўхшардилар. — Шарқ юлдузи

Тўрдаги деворда оқпошшонинг йирик портрети, унга уй эгаси санамга сажда қилгандай қарарди. — А. Ҳакимов, Илон изидан

Бу даврда будда динига оид турли осори атиқалар, санамлар топилди. — Газетадан

2. кўчма Гўзал, дилбар аёл, нозанин.

Сиздай қизлар бўлди бунда улфатим, Ечиб юбор, санам қизлар, қўлимни. — Муродхон

от 1. Ижтимоий маданиятнинг эстетик завқ берувчи, мусиқа, мусаввирлик, ҳайкалтарошлик каби воқеликни бадиий образлар воситасида акс эттирувчи ҳар бир айрим соҳаси.

Тасвирий санъат. Меъморлик санъати. Санъат ва адабиёт.

Дунёдаги ҳар қайси соҳа ўз санъатига ва ўз маданиятига эга. — Ёшлик

Кинематографчилар ўз ижодий режалари, кино санъатини ривожлантириш тўғрисидаги ўйлари билан ўртоқлашдилар. — Газетадан

Заргарлик санъати энг.кўҳна санъатлардан бири бўлиб, у декоратив-амалий санъат хили сифатида кенг тарқалган. — Газетадан

2. Турли амалий-татбиқий соҳаларнинг ўзига хос иш услуби, системаси.

Ҳарбий санъат.

Уч-тўрт километрга чўзилган тепалик ҳарбий-инженерлик санъати билан узоқ йиллар давомида қурилган мустаҳкам қалъага ўхшарди. — И. Раҳим, Чин муҳаббат

3. кўчма Муайян фаолият соҳасидаги юксак маҳорат, усталик; истеъдод.

Сўз санъати. Нотиқлик санъати.

Ёш хонандалар, раққосалар ўз санъатларини намойиш этдилар. — Газетадан

Фурсатдан фойдаланмоқ ўзи бир санъат, ҳунар. — Қ. Муҳаммадий

Кулдиришга санъат керак, кулишга соф юрак. — Газетадан

4. Адабиёцҳуносликда: бадиий асар поетикасини таъминловчи восита.

Талмеҳ санъати.

Ружуъ — маънавий санъатлардан бири бўлиб, арабча қайтиш демакдир. — ЎТА

5. Санъат (хотин-қизлар ва эркаклар исми).

сфт. Шахмат тартибида оралатиб гул тикиш усули, шундай усулда тикилган гул ва шундай гулли буюм.

Айвонда салла ўраб овора бўлган махдум санама тикиб ўтирувчи Раънога: — Ёʻлакда хотин киши кўринади, хабар ол-чи, болам, — деди. — А. Қодирий, Меҳробдан чаён

Элликлаб қозиқ лунги, юзлаб санама рўмоллар сандиқларни тўлдирган бўлса ҳам, бу нарса Лутфинисо ва унинг қизини ҳали қаноатлантирган эмасди. — Ойбек, Танланган асарлар