ot 1. Choy qaynatishga moʻljallangan, suvxonali va oʻtxonali roʻzgʻor asbobi.
Rux samovar. Samovar qaynatmoq.
Samovarda qaynagan choying qani, yor-yor. — Qoʻshiqlar
Juvon kattakon samovardan tunuka choynakka choy quyib keldi. — A. Qahhor, Qoʻshchi-nor chiroqlari
Samovar jigʻillay boshladi, Avaz oʻtxonaga yana ikkita saksovul palyon tashlab, ichkari kirdi. — S. Siyoyev, Yorugʻlik
2. ayn. Choyxona.
Mingboshi oʻng tomondagi ozodaroq samovarga chiqib chilim buyurdi. — Choʻlpon, Kecha va kunduz
Yusufjon aka, bu hisob emas, hovliga boramiz, samovarda emas, bugun biznikida yotib qolasiz. — K. Yashin, Hamza
- Samovar qoʻymoq 1. Samovarga oʻt solib, choy qaynatmoq. Gulnor oʻrnidan qoʻzgʻaldi, darmonsizlikdan oyoqlari titrab, pastga tushdi-da, samovar qoʻya boshladi. — Oybek, Tanlangan asarlar;Umurzoq ota: — U yerda oshnam bor, Bani, guzarda samovar qoʻyadi. — H. Gʻulom, Mashʼal