сфт. 1. Тан-жони соғ, соғ-саломат; соғлиги яхши; эсон-омон.
Саломат юрибсизларми? Саломат етиб бормоқ.
Нимага хафасан? Мана, мен соғ-саломат қайтдим. — Ойбек, Танланган асарлар
Амирзодам, шукур, онангиз, эгачингиз саломат эканлар, кўп куюнманг, бошингиз омон бўлса, давлат топилур. — П. Қодиров, Юлдузли тунлар
2. Саломат (хотин-қизлар исми).
- Саломат бўлинг Миннатдорчилик изҳор этиш, хайрлашишда ёки бирор киши аксирганда айтиладиган ибора. — Хайр, саломат бўлинг, — қиз югуриб, уйига кириб кетди. — Ёшлик