Поиск

ot 1. Qabilalar, davlatlar yoki ijtimoiy guruhlar oʻrtasidagi uyushgan qurolli kurash.

Fuqarolar urushi. Ikkinchi jahon urushi.

Urushning ikkinchi yili otasi armiyaga ketdi-yu, qoʻlida hunari yoʻq ona ikki bola bilan qoldi. — P. Qodirov, Uch ildiz

Har eshikda bir qaygʻu sanqir, Qora urush uzoq choʻzildi. — U. Qoʻchqorov, Hayajonga koʻmilgan dunyo

2. Tomonlar oʻrtasida qurolli jang, toʻqnashuv.

Ahmadjon sheriklari bilan urushdan xiyla uzoqda dam olib yotgan bir qismga kelib tushdi. — A. Qahhor, Oltin yulduz

Kechki soat toʻrtlar, asrdan bir oz ertaroq hukumat askari bilan xalq orasida urush boshlandi. — A. Qodiriy, Oʻtgan kunlar

ot 1. Achitish, oshirish yoki koʻpchitish vositasi (tomizgʻi, xamirturush va shu kabilar).

2. Nordon, qimizak.

Turush olma.

sft. 1. Ajin bosgan, burushgan.

Yigit uning bukilgan qaddida, burushiq yuzlarida oddiy qarilik ojizligini emas, balki qullik iztirobi va singan gʻururning zabunligini koʻrdi. — Oybek, Quyosh qoraymas

2. Suvi qochib qolgan, bujmaygan.

Burushiq olma.

3. ot Terining, matoning va shu kabilarning burushgan, tirishgan joyi; burma, qat.

Kiyimning burushigʻi.

Shokir otaning yuz burushiqlarida gʻam mavjlangan kabi tuyuldi. — Oybek, Tanlangan asarlar

ot Oʻz elini, vatanini sotuvchi; vatanfurush, sotqin.

Mol-mulk toʻplovchi elfurushlarning qadami tindi. — A. Muxtor, Azamat vodiy

ot 1. Oyoq kiyimlari bilan savdo qiluvchi doʻkondor.

Isoq otaning qoʻlidan chiqqan kavush bejirim, bekam-koʻst boʻlgani uchun, vofurushlar ularni jon deb sotib olishardi. — M. Osim, Tilsiz guvoh

Koʻnchilar qayish, saxtiyon tayyorlab, vofurushlarga ulgurji yoki poyabzal tikadigan kosiblarga chakana sotadilar. — N. Safarov, Navroʻz

2. Egar, oʻroq kabi buyumlarni olib sotuvchi doʻkondor.

sft. 1. Yuzi, basharasi burushgan.

Gulsanam qamchi zarbidan chinqirib, oʻrnidan turgan edi, badburush bir kishi uni qisqichday qoʻllari orasiga oldi. — S.Karomatov, Bir tomchi qon

2. Haybatli, qoʻrqinchli.

Har biri eshakday keladigan uchta iti zanjirda. Badburush zoʻr itlar. — Oybek, Bolalik

Nusratillaning qora, choʻtir yuzi sitilgan baqaday badburush boʻlib ketdi. — A. Muxtor, Opa-singillar

Rostini aytsam, eshitgan edim-u, ammo echkemarning bundaqangi kattasini, badburushini koʻrmagan edim. — Y. Shamsharov, Toshqin