1. Бекам-у кўст, тўлиқ, тўла.
Зарҳал кўринар сохта, Роса билиб, сўнг мақта. — Мақол
Жангчилар кўзларини роса очмасдан, милтиқларига ёпишдилар. — Ойбек, Қуёш қораймас
2. Тугал, тўла, тўлиқ; тўппа-тўғри.
Олахўжабойнинг ҳовлисига қадам босмаганимга роса йигирма йил бўлди. — П. Турсун, Ўқитувчи
[Дилбар:] Уйғотаймикан? Ёʻқ, пича ухлаб ором олсин, роса бир ой бўлдики, от устидан тушмайди. — К. Яшин, Песалар
3. Ниҳоят даражада, ниҳоятда, жуда.
Роса чарчадим.
4. Тўйгунча, мириқиб.
Роса ўйнадик.
Мавлон мингбоши тасодифан лойга сирғаниб йиқилди. Кишилар роса кулишди. — Т. Обидов, Юсуфжон қизиқ