Поиск

ot 1. esk. Ip, kanop.

Pardalari rishtasi el jonidin. — Oybek, Navoiy

2. tib. Teri ostida paydo boʻladigan, ip kabi uzun qurt; shu qurt orqali tarqaladigan kasallik.

odam boshiga balo boʻlib kelgan rishta kasalligi ham butunlay tuga-tib yuborildi. — Gazetadan

Oʻgʻli frontga joʻnayotganida, Buxoroga borsang, suvidan ichma — rishta kasali bor, deb mehribonlik qilgan. — A. Qahhor, Tanlangan asarlar

3. koʻchma Ikki narsa, kimsa, hodisa va shu kabilarni oʻzaro uzviy bogʻlovchi vosita; bogʻlanish.

Doʻstlik rishtasi.

Sevgi farishtasi, Har nayza kiprigi, Goʻyo jon rishtasi, Goʻyo ishq koʻprigi. — X. Saloh, Izlar va hislar

Vujudini shirin tuygʻu qamrab oldi. Bu tuygʻu, koʻzga koʻrinmas rishtalari bilan uni sehrlaganday, oʻylaganlarini toʻzitdi. — S. Karomatov, Soʻnggi barxan

Axir kelgan-ketganga rizolik berib, vidolashib yotgan emish. Men ham soʻnggi burchimni ado etib qoʻysammikan? Yoʻq, endi doʻstlik rishtasi uzildi. — S. Siyoyev, Avaz

ot 1. Islomda va boshqalar baʼzi dinlarda xudoning amrini bajaruvchi gʻayritabiiy mavjudot; malak (farishtalar son-sanoqsiz boʻlib, har biri maʼlum vazifani bajaradi).

Baʼzi rivoyatlarga qaraganda, farishtalar jannatdagi kavsar suvidan qumgʻonlarimizga quyib ketar emish. — M. Muhammadjonov, Turmush urinishlari

Farishta, maloyiklar — nurdan, siz bilan biz loydan yaratilgan. — Malikayi ayyor

2. Koʻchma Yaxshi xulq-atvorga ega boʻlgan va goʻzal (koʻpincha ayollar haqida).

Bu xotin toʻgʻrisida mulla Norqoʻzi shunday fikrda: agar farishta ilgari oʻtgan boʻlsa — shuning onasi, endi tugʻilsa — shuning bolasi boʻladi, agar hozir yer yuzida boʻlsa — shu xotinning oʻzi. — A. Qahhor, Asarlar

Vo ajabo! Bu kim boʻldi? Choʻrimi yoki bir ofatijon farishtami? — Hamza, Boy ila xizmatchi

3. koʻchma Fayz, ziynat.

Ayolning sarishtasi — roʻzgʻorning farishtasi. — Maqol

Ha, ota — koʻcha kishisi, ona uy farishtasi boʻlar ekan. — L. Tojiyeva, Mehrim sizga, odamlar.

4. koʻchma Pokiza, musaffo; begunoh.

Ajoyib odamsan-da, doʻstim, ajoyibsan, farishtasan. — Shukrullo, Saylanma

Shu kungacha Ravshan oʻzini halolman deb farishta sanab yurdi. — Yoshlik

sft. ayn. Saranjom.

Xotinning sarishtasi — odamning farishtasi. — Maqol

Yorugʻ, kenggina uy sarishta edi. — S. Zunnunova, Goʻdak hidi

Baland imoratlar, keng va sarishta asfalt koʻchalar Yigitalining diqqatini oʻziga tortardi. — D. Nuriy, Osmon ustuni

sft. ayn. Besaranjom.

Bu xil odamlar oʻta besarishta, injiq va oʻta sershubha boʻladi, sizning har bir harakatingizdan gumonsiraydi. — Yoshlik

sft. 1. Fayzli; serbaraka.

Sarishtali uy — farishtali uy. — Maqol

2. koʻchma Yoqimli, jozibali; halol, pokiza.

Bay-bay-bay, bu Oʻtar bobo bagʻoyat farishtali odam ekanlar. — S. Siyoyev, Yorugʻlik

Farishtali odam, deb shunaqalarni aytsa kerak-da, a? — Shuhrat, Jannat qidirganlar

sft. ayn. Ishtahali.