Қидирув

сфт. Риоя, андиша қилмайдиган, андишасиз, беандиша.

Риоясиз аёл.

от 1. Ҳурмат ёки юз-хотирлик юзасидан қилинган муомала; ҳурмат, андиша.

Ўлим деган нарса кўз ўнгига келиб тўхтагандан кейин, Отабекдек меҳмонлар риояси кўнглидан ювилур, сўзнинг тўғрисини айтишга мажбур бўлурлар. — А. Қодирий, Ўтган кунлар

У [Азимжон] мастликда ҳеч кимни риоя қилмаслигини мингбоши яхши билар эди. — М. Исмоилий, Фарғона тонг отгунча.

2. Бўйсуниш, амал қилиш, сақлаш.

Қонунга риоя қилмоқ.

Тартибга риоя қилмоқ.

Аҳмаджон, командирнинг буйруғига қаттиқ риоя қилиб, жанг майдонини диққат билан кузатар эди. — А. Қаҳҳор, Олтин юлдуз

сфт. Риоя, андиша қиладиган, андишали.

Риояли одам.

от айн. Риоя 1.

— Эскилик, эскилик деб юриб, яхши-яхши урф-одатларимизни ёʻқотиб юбордик. Риоя-андишани унутдик, — деди Пирназар полвон. — Р. Раҳмон, Меҳр кўзда

от Бир-бирига муроса қилиш; таниш-билишчилик.