Қидирув

от Иш, фаолиятнинг бирор соҳасида, спорт мусобақаларида эришилган энг катта муваффақият, энг яхши натижа, энг юқори кўрсаткич.

Жаҳон рекорди. Янги спорт рекорди қўймоқ.

Жон-жаҳдим билан ишлаб, рекорд устига рекорд қўймаганимда, бу ҳурматлар қаёқда эди. — Х. Тўхтабоев, Ширин қовунлар мамлакати

Улар ҳосил йиғим-теримини максимал даражада механизациялаш ва тайёрлаш суратларини тезлаштиришда рекорд кўрсаткичга эришмоқдалар. — Газетадан

Рауфни рекорд билан яна бир бор табриклашди. — Ўзбекистон қўриқлари

сфт. Рекордга оид; рекорд даражада, энг яхши, энг юқори, энг катта, энг кўп.

от Спортнинг муайян турида ёки бирор иш, фаолият соҳасида рекорд кўрсаткичга эришган киши.

Жаҳон рекордчиси. Рекордчи пиллачилар.

— Рекордчиларга бир эмас, икки ҳисса мошхўрда бераман! — Абдухалил унинг косасига бир бўлак гўшт ташлади. — Ў. Ҳошимов, Қалбингга қулоқ сол

Баландликка лангарда сакраш бўйича жаҳон рекордчиси Е. Исинбаева Лондондаги турнирда қатнашди. — Газетадан