от 1. Мажлис ёки кенгашга раҳбарлик қилиш учун сайланган бир гуруҳ кишилар; президиум.
Раёсатга Рафиқов, Собиров, Берди татар, Мардонбой, Мирсоатлар сайланиб, мажлисни Собиров олиб борди. — А. Қодирий, Обид кетмон
Азмиддин ўрнидан туриб, суд раёсатига қараб алланима деб бақирди. — Ҳ. Ғулом, Машъал
2. Давлат ҳокимияти органи.
Пленум ва Раёсат муҳокамасига, қонунга биноан, уларнинг ваколатига тааллуқли бўлган масалалар киритилади. — Газетадан
3. Баъзи ташкилот ва муассасаларнинг раҳбарлик органи.
Мажлисда Олий аттестация комиссияси раёсатининг аъзолари иштирок этди. — Газетадан
Бу хатоларга вилоят судининг судлов ҳайъати ва раёсати ҳам эътибор бермайди. — Газетадан
Раёсатимиз қарорига кўра, биз ҳар йили Бобур мирзо таваллуд топган муборак кунда унинг илмий меросига бағишлаб халқаро илмий анжуман ўтказишимиз лозим. — Газетадан