sft. 1. Yaxshi yoritilgan, yop-yorugʻ.
Ravshan tun.
Kundek ravshan istiqboling, kamol top, respublikam. — Yo. Mirzo
2. Yaxshi koʻradigan, oʻtkir (koʻz haqida).
Koʻzim ravshan. Koʻzim ravshan tortdi.
Ravshan koʻzlarin yoshlab, Urdi qamchin qulochlab. — Malikayi ayyor
3. koʻchma Aniq, tushunarli, tushunish oson boʻlgan.
Ravshan fikr. Ravshan javob. Fikri ravshanning soʻzi ravshan. — Maqol
Onaning barcha tashvishli oʻylari sovun koʻpigiday oʻchdi. Voqea ravshan edi. — Shuhrat, Shinelli yillar
Demak, masalaning bir tomoni ravshan, endi ikkinchi tomonini oʻylab koʻrish kerak. — A. Obidjon, Akang qaragʻay Gulmat
Elmurodning koʻnglidan: bu podsholar ham yomon ekan-da, degan fikr oʻtdi, uning goʻdak aqli buni ravshan ifodalashga ojiz edi. — P. Tursun, Oʻqituvchi
4. koʻchma Koʻzga yaqqol tashlanadigan; ochiq-oydin, aniq, yaqqol.
Ravshan surat.
Oylar, yillar oʻtishi bilan mening koʻzimga bu narsa ochiq-oydin, ravshan koʻrina boshladi. — Yoshlik
Oydinda ularning paranjili ikkita xotin ekanligi ravshan koʻrinib turar edi. — M. Ismoiliy, Fargʻona tong otguncha
5. kesim vzf. koʻchma Yashirib, sir tutib boʻlmaydi, maʼlum, oshkor.
Buning xatoligi ravshan.
— Ahvolimiz sizga ravshan, — bemor yoʻtala-yoʻtala, cholga ishorat qildi. — Oybek, Tanlangan asarlar
6. Ravshan (erkaklar va xotin-qizlar ismi).
- 1 Yorqin nur sochadigan; yorugʻ, yorqin. Ravshan chiroq. Ravshan yonmoq.Oldinda qishloq chiroqlari ravshan porlab, koʻzni qamashtiradi. — Oʻ. Usmonov, Sirli sohil
- Koʻngli (yoki dili, taʼbi, tabiati, dunyosi) ravshan boʻlmoq (yoki topmoq) Koʻnglida xafachilik yoki shubha alomati qolmaslik, koʻngli, dili yorishmoq, koʻngli tinchimoq. [Gʻulomjon] Otasining xurragini eshitib, koʻngli ravshan topdi. — M. Ismoiliy, Fargʻona tong otgunchaRahmatilla uning xush qabul qilishidan, muomalalaridan koʻp savollariga javob topdi, dunyosi ravshan boʻldi. — A. Qahhor, Qoʻshchinor chiroqlariUmid uyqudan koʻz ochib, gʻarib, ammo hamma yogʻi chinnidek ozoda bir uyda boʻlganidan koʻngli ravshan tortdi. — Mirmuhsin, Umid
- Koʻnglini (yoki taʼbini) ravshan qilmoq Koʻngildagi xafagarchilikni, shubhani yoʻqotmoq, koʻnglini tinchitmoq, koʻnglini, dilini ochmoq. [Xolmat Ruzvonga:] Bu — odamning taʼbini juda ravshan qiladi. Mana bu tovuq goʻshtidan oling, juda soz boʻlibdi-da. — Hamza, Kim oʻgʻri?