Қидирув

от Расм солувчи санъаткор; сураткаш.

Ўзбек халқ рассомлари.

Нозик дидли рассомларни ҳам ҳайратда қолдирадиган ойнадаги нақш [Элмуроднинг] хаёлини банд этди. — Шуҳрат, Шинелли йиллар

Рассом ўз асарларини бошқа санъаткорларга ўхшаб халқ оммасига кенг тарқатиш имкониятига эга эмас. — Ф. Мусажонов, Ҳиммат

Ёзувчи билан рассом қўлни қўлга бериб, дўстона хайрлашишди. — С. Аҳмад, Юлдуз

от Расм солишдаги ижодкорлик, сураткашлик.

Рассомлик санъати.

Ошно ортиқча гап кавлаб ўтирмади. Аввалбекнинг дипломатик ўқишини ташлаб, рассомлик қилиб юрганини кечирди. М. М. — Дўст, Лолазор

Ҳа, иннайкейин. Қўзибой рассомликдаям чаканамас-да. Ишлаган расмларидан битта-яримтаси гоҳо деворий газета редколлегиясига маъқул тушиб қолади. — Ҳ. Назир, Сўнмас чақмоқлар

от айн. Рассомлик.

Сиз рассомчилик факултетининг иккинчи курс студенти Чароснинг онасимисиз ахир? Ў. — Ҳошимов, Қалбингга қулоқ сол

Рассомчиликка қизиқиш уни 1969 йили Бенков номидаги рассомлик билим юртига етаклади. — Газетадан