Поиск

sft.

Rangli televideniye. Rangli chit. Rangli qalam.

Sariq rangli bino oldida, umrida ovqat yemagandek qotma, novcha, ranglari toza, harakatlari yengil odamlar qarshisida toʻxtadik. — X. Toʻxtaboyev, Shirin qovunlar mamlakati

Toʻrt marta pul mukofoti berdi, ikki yildan beri rangli suratim Hurmat taxtasida. S. — Ahmad, Yulduz

koʻchma ayn. Rangdor 2.

Kim biladi Mashhadiyning silliq nazmi, rangli uslubi valineʼmatning koʻnglini shunday qilardi, u bir necha qoʻy inʼom qilib yuborar! — Oybek, Navoiy

ot 1. Boʻyash uchun ishlatiladigan modda; boʻyoq.

Quruq rang. Ipak boʻyaydigan rang. Rang bermoq.

Stadion remont qilina boshlagan, panjaralar qizil, sariq rangga boʻyalgan. — Yoshlik

2. snt. Rangtasvirning asosiy ifoda va tasvir vositasi.

3. Narsalarga surtilgan yoki singdirilgan boʻyoq, sir.

Shipi sharqcha naqshdor uy, naqshlari eskirib, rangi xiralangan, lekin hali diqqatni tortarlik holda. — Oybek, Tanlangan asarlar

Bugun u ishdan barvaqt qaytdi. Och zangori rangga boʻyalgan darvozadan oʻtib, hovliga kirdi. — Oʻ. Hoshimov, Qalbingga quloq sol

4. Biror narsaning oʻziga xos boʻyogʻi; tus.

Rangi sariq roʻmol. Hayvonlarning muhitga moslashadigan rangi. Olmaga rang kirib qoldi.

Gʻoʻzalarning rangini koʻrgan sari, ichginam tuzday achiydi. — N. Safarov, Jasoratning davomi

Bir tup daraxtda qancha shox-shabba, qancha rang, qancha gul-meva, qanchalab sir-sinoat bor. — Gazetadan

Ovqat pishdi. Qozonning zangi chiqib qoraygan goʻjaga qatiq ham rang kirgizolmadi. — A. Qahhor, Anor

5. Kishining yuzidagi qizillik darajasi.

Uning rangida qoni yoʻq. Uning rangi qip-qizil. Rang koʻr, hol soʻr. — Maqol

Negadir Charosning yuzi xuddi shu gul bilan bir xil rangda ekanini endi sezdi. — Oʻ. Hoshimov, Qalbingga quloq sol

Tursunoy bilan Sharofatning rangi boʻzday oqardi. — Oybek, Tanlangan asarlar

6. koʻchma Gap, nutq, ohang va shu kabilardagi nozik boʻyoq, tus; koʻrinish, jilva.

Bir zumdan keyin yana ayni tovush parvoz qildi. Ammo oʻzga maqomda koʻngilni yana qattiqroq sehrlovchi ranglar bilan. — Oybek, Tanlangan asarlar

Bir-ikki kun miyonasidagi kechinmalar

turli rang bilan uning uyquli dimogʻida akslana boshladilar. — A. Qodiriy, Oʻtgan kunlar

Eng yaqin kishilaridan ham yashirib yurgan, allaqachon oʻtmish daftarlarida rangi xiralashib ketgan xotiralar birdan tugʻyon urdi. — Oʻ. Hoshimov, Qalbingga quloq sol

Rangi ham, tusi ham namoyon dunyo, Qirqmi ellik bu, umr oʻrtasi. — A. Oripov, Yillar armoni

7. koʻchma Jonlilik, fayz.

Toshkentlik mashhur bir boyning xasisligi haqida eng keyingi, hali hech kimning qulogʻiga chatilmagan latifalar suhbatga rang berib turar edi. — Oybek, Tanlangan asarlar

sft. ayn. Rang-barang, rangdor 1.

Rangin plakatlar.

Kosalar, piyolalar, qadahlarning gullari bahor chamanlariday boy, nafis, rangin edi. — Oybek, Navoiy

sft. 1. Biror rangga ega boʻlgan yoki boʻyalgan; rangli; rang-barang.

Rangdor qalamlar. Rangdor qogʻoz.

Parkning rangdor marjon chiroqlari ham soʻndi hamma yoq jimjit boʻlib qoldi. — A. Muxtor, Chinor

Chamasi, kasalxona yaqinidagi bu bozorcha oʻzidan-oʻzi paydo boʻlgan, keyinchalik bir qator rasta qurilib, ustiga rangdor plastmassa shifer yopib qoʻyilgan edi. Oʻ. — Hoshimov, Nur borki, soya bor

2. koʻchma Bejamali, jilvali, tamtaroqli, balandparvoz (gap, soʻz, uslub va shu kabilar haqida).

Sayramov bolalikda, uzun qish kechalari cholning oʻziga xos rangdor soʻzi va uslubini diqqat bilan tinglardi. — Oybek, Oltin vodiydan shabadalar

umrdosh tanlashda yanglishma, qizlarning tashqi qiyofasiga, rangdor soʻzlariga ucha koʻrma, — dedi mehmon Mansurga. — Yo. Shukurov, Uch savol

sft. Rangi zahil, siniqqan, rangsiz.

Hovuzning u tomonida yarim gumbaz shaklida tosh terilgan, uning ostida moʻylovi endigina sabza urgan rangpar yigit kabob pishiryapti. — E. Usmonov, Yolqin

Ibn Sino toʻrdagi ipak toʻshak ustida yostiqqa suyanib oʻtirgan rangpar kishiga taʼzim qildi. — M. Osim, Karvon yoʻllarida

Ularning gʻoʻzalari rangpar, nimjon; oʻsimlik chanqoq: Suv ber! deb faryod chekayotibdi. — Gazetadan

ot Boʻyoqlar tayyorlovchi usta.