Qidiruv

ot 1. Boʻyash uchun ishlatiladigan modda; boʻyoq.

Quruq rang. Ipak boʻyaydigan rang. Rang bermoq.

Stadion remont qilina boshlagan, panjaralar qizil, sariq rangga boʻyalgan. — Yoshlik

2. snt. Rangtasvirning asosiy ifoda va tasvir vositasi.

3. Narsalarga surtilgan yoki singdirilgan boʻyoq, sir.

Shipi sharqcha naqshdor uy, naqshlari eskirib, rangi xiralangan, lekin hali diqqatni tortarlik holda. — Oybek, Tanlangan asarlar

Bugun u ishdan barvaqt qaytdi. Och zangori rangga boʻyalgan darvozadan oʻtib, hovliga kirdi. — Oʻ. Hoshimov, Qalbingga quloq sol

4. Biror narsaning oʻziga xos boʻyogʻi; tus.

Rangi sariq roʻmol. Hayvonlarning muhitga moslashadigan rangi. Olmaga rang kirib qoldi.

Gʻoʻzalarning rangini koʻrgan sari, ichginam tuzday achiydi. — N. Safarov, Jasoratning davomi

Bir tup daraxtda qancha shox-shabba, qancha rang, qancha gul-meva, qanchalab sir-sinoat bor. — Gazetadan

Ovqat pishdi. Qozonning zangi chiqib qoraygan goʻjaga qatiq ham rang kirgizolmadi. — A. Qahhor, Anor

5. Kishining yuzidagi qizillik darajasi.

Uning rangida qoni yoʻq. Uning rangi qip-qizil. Rang koʻr, hol soʻr. — Maqol

Negadir Charosning yuzi xuddi shu gul bilan bir xil rangda ekanini endi sezdi. — Oʻ. Hoshimov, Qalbingga quloq sol

Tursunoy bilan Sharofatning rangi boʻzday oqardi. — Oybek, Tanlangan asarlar

6. koʻchma Gap, nutq, ohang va shu kabilardagi nozik boʻyoq, tus; koʻrinish, jilva.

Bir zumdan keyin yana ayni tovush parvoz qildi. Ammo oʻzga maqomda koʻngilni yana qattiqroq sehrlovchi ranglar bilan. — Oybek, Tanlangan asarlar

Bir-ikki kun miyonasidagi kechinmalar

turli rang bilan uning uyquli dimogʻida akslana boshladilar. — A. Qodiriy, Oʻtgan kunlar

Eng yaqin kishilaridan ham yashirib yurgan, allaqachon oʻtmish daftarlarida rangi xiralashib ketgan xotiralar birdan tugʻyon urdi. — Oʻ. Hoshimov, Qalbingga quloq sol

Rangi ham, tusi ham namoyon dunyo, Qirqmi ellik bu, umr oʻrtasi. — A. Oripov, Yillar armoni

7. koʻchma Jonlilik, fayz.

Toshkentlik mashhur bir boyning xasisligi haqida eng keyingi, hali hech kimning qulogʻiga chatilmagan latifalar suhbatga rang berib turar edi. — Oybek, Tanlangan asarlar

ot 1. Koʻngilga yetgan ozor, alam.

Olamda har narsa esdan chiqishi, har qanday ranj, kulfat koʻngildan koʻtarilishi mumkin, lekin uch yarim yashar boʻlib oʻlgan farzand dogʻi yoʻq. — A. Qahhor, Qabrdan tovush

2. esk. Mehnat, mashaqqat.

Ibodullo maxsum shuncha joydan ranj chekib kelibdi-ya, deb takror oʻyladi Elomonov. — M. M. Doʻst, Galatepa qissalari

Haq yoʻlinda kim senga bir harf oʻqitdi ranj ila, Anglamak oson emas haqqin ado ming ganj ila. — Alisher Navoiy

ot 1. Atirgullilar oilasiga mansub koʻp yillik oʻsimlik va uning qizil yoki sariq xushboʻy guli.

Rayhonlar, raʼnolar, oq, pushti gullar — ona tabiatning qizaloqlari. — Yoshlik

Chuchmoma, raʼno, binafsha — koʻzni bogʻlovchi farang. — Gʻ. Gʻulom, Sheʼrlar

2. koʻchma Goʻzal, barno ayol haqida.

Chamanga baxsh etdi beqiyos kamol Bir raʼno ishqida kuyib-yonishi. — M. Ikrom

— Meniki mubolagʻa emas, — dedi Anvar, — masalan, sen hozir gullar yonidasan, ham chindan-da gullarning raʼnosisan. — A. Qodiriy, Mehrobdan chayon

Sen sozi muhabbatsan, gulshanda guli raʼno. — O. Yoqubov, Er boshiga ish tushsa

3. Raʼno (xotin-qizlar ismi).

ot maxs. Poyabzalning yuqori qismini poshna bilan sirtdan biriktiruvchi kambar teri tasma.

ot Yogʻoch va taxtalarni tekis qilib yoʻnish, silliqlash uchun ishlatiladigan, oʻrtasiga poʻlat tigʻ oʻrnatilgan dastali asbob.

Musht randa. Daroz randa.

Kolya gapga aralashmay, jingala-jingala qirindilar sachratib, taxtacha ustidan randa yuritardi. — H. Nazir, Soʻnmas chaqmoqlar

ot Harbiylar yoki oʻquvchilarning yelkaga tasma bilan osib yuradigan sumkasi.

Ranesga ortiqcha narsa solib qoʻyilganday orqaga tortadi. — Shuhrat, Shinelli yillar