ot 1. Harakat-faoliyatga olib keluvchi qobiliyat; harakatlanish, harakatlantirish qobiliyati; kuch.
Qirq ming elat ichida bu qizga quvvati barobar keladigan er yigit yoʻq. — Boʻtakoʻz
Qaridim, ish qilishga qolmadi quvvat. — Gʻayratiy
Poyezd borar quvvatga toʻlib. — H. Poʻlat
2. ayn. Energiya.
Elektr quvvati.
Shu suvning quvvatidan uyimiz yorugʻligi. — Q. Muhammadiy
Ulugʻ kishilik aqli atomdagi quvvatni Pokiza umid bilan qila ololdi ijod. — Gʻ. Gʻulom
3. fiz. Bir vaqt birligi ichida bajarilgan yoki bajariladigan ish miqdori.
500 megavatt quvvatga ega boʻlgan gidrostansiya. Quvvat bir sekundda bajarilgan ishdir.
4. Korxonalarning ishlab chiqarish imkoniyatlari majmui.
Mavjud korxonalarning ishlab chiqarish quvvatini oshirish bilan yangi obyektlar ham barpo etildi. — Fan va turmush
5. Kuch, chidamlilik.
Chirigan yogʻochning quvvati boʻlmaydi.
6. koʻchma Moddiy, maʼnaviy imkoniyat; qodirlik, qurb; qobiliyat, layoqat, bilim.
Oʻchda qahramonlarning har ikkalasi ham xarakter sifatida oʻzlarining jozibadorligi, maʼlum bir xislatlarining boʻrttirib tasvirlanishi bilan kitobxonni oʻziga tortib olish quvvatiga ega. — M. Qoʻsh-jonov, Poemadan romanga
Elmurod kimda qanday oʻqish asbobi borligini tekshirib chiqqandan keyin, oʻquvchilarning quvvatini sinashga kirishdi. — P. Tursun, Oʻqituvchi
Bir piyola choydagi quvvat bir burda nonga teng ekanligi hisoblab chiqilgan. — K. Mahmudov, Qiziqarli pazandalik
8. koʻchma Dalda, madad.
Argʻamchiga qil quvvat. — Maqol
Mayin tovush eshitildi: — Kelinglar rahmat! Odamga odam quvvat boʻladi, ming rahmat! — A. Qahhor, Ming bir jon
Indamasa ham, shu yerda turishi, Gʻulomjondan nimanidir kutishi yigit yuragiga quvvat berdi. — M. Ismoiliy, Fargʻona tong otguncha
- Quvvatga kirmoq Sogʻaymoq, kuch toʻplamoq. U [hakim-doktor] tomirimni ushlab, andak mulohaza qildi-da: — Sizniki — kosib kasal, dalaga chiqing, bahridilingiz ochilsa, quvvatga kirib ketasiz, — dedi. — Oybek, Tanlangan asarlar
- Quvvatdan ketmoq (yoki qolmoq) Holsizlanmoq, zaiflashmoq, kuch-quvvati ketmoq.
- Quvvati yetmoq (yoki kelmoq) 1. Kuchi yetmoq. Oʻyla, bolam, kimga kelar quvvating? — Rustamxon;— Bitta xotin olib berishga quvvatim yetadi, — dedi Botirjonga dadasi. — Q. Maqsumov, Saodatli chamanda[Nuri] Pul va boylikning quvvatiga ishongani uchun, bu yoʻlni qulay deb topdi. — Oybek, Tanlangan asarlar