Қидирув

от Қути сўзидан кичрайтириш шакли.

Гугурт қутича.

Шу куни катта холасининг қутичасини титиб, Пастқўриқдаги шоликорлик ерининг васиқасини топиб қўйди. — А. Қаҳҳор, Ҳи-ҳи

от 1. Бойлик, бахт; барака.

Чақмоқ чақсин момақалдироқ, Майли кўкни қопла-син булут, Шалоладай булутинг оппоқ, Ёғдиради сероблик ва қут. — Ю. Шомансур

— Ишимизга қут киряпти — деди — Ўктам. Ойбек, Олтин водийдан шабадалар

2. Юз (бет)нинг ранги.

Энди хотиннинг ранг-қути жойига келган ва башарасидан қўрқиш аломати ёʻқолган эди. С. — Айний, Қуллар

от 1. Қулф-калитли кичкина сандиқча.

Ёшликдан бошлаб келинойиларининг сандиқларини, қутиларини тинтиб ўрганган Нури калити бурнида унутилган бир қутини очди. — Ойбек, Танланган асарлар

2. Хат, газета, сайлов бюллетени ва шу кабилар ташлаш учун махсус ясалган яшикча.

Сайлов қутиси.

Хат тезда етиб борсин учун, эртасига шаҳарга бориб, уни тезюрар поезднинг почта қутисига солиб юборишди. — О. Ёқубов, Эр бошига иш тушса

3. Ичига бир турдаги нарсалар жойланган ёки жойланадиган ҳар қандай идиш, яшик ёки коробка ва бошқалар

Гугурт қути. Папирос қутиси. Икки қути кўк чой.

— Акрамга икки қути конфет бер, — деб буйруқ берарди Отахон. — И. Раҳим, Чин муҳаббат

Пулемёт бузилмаган, ҳатто янги лента ўтказилган, нарида ўқ солинадиган иккита металл қути ҳам турибди. — А. Қаҳҳор, Олтин юлдуз

Деворда ёғоч телефон қутиси, бурчакда эса телеграф аппарати олдида бир қиз ўтирарди. — А. Мухтор, Опа-сингиллар

4. Йигирма грамм пилла қурти уруғи солинган махсус қоғоз коробка ва шу уруғдан чиққан ипак қурти.

Сатторқул баҳорда қари-қартангларни йиғиб: — Бекордан ҳамма безор, ҳеч бўлмаса бир қутигина қурт тутмайсизларми? — деди. — А. Қаҳҳор, Қўш-чинор чироқлари

от 1. геогр. Ернинг фаразий айланиш ўқи билан ер сирти кесишган икки нуқтадан ҳар бири; ана шу нуқталар атрофидаги ер-жойлар.

Жанубий қутб. Шимолий қутб. Қутб доираси. Жанубий қутбда бир қанча илмий экспедиция текшириш ишлари олиб бормоқда.

2. физ. Электр занжири ёки магнитнинг қарама-қарши икки томонидан бири.

Манфий қутб. Мусбат қутб.

3. кўчма Бир-бирига мутлақо зид, қара-ма-қарши бўлган икки хил нарса, воқеа, ҳодиса ва шу кабилардан бири; қарама-қарши томон.

Бу усул натижасида даврнинг ҳар икки қутбга муносабатидаги катта тафовут янада жиддийроқ шаклда ифодаланади, контраст кучайтирилади — ЎТА

сфт. 1. Қут-баракали.

Оқ олтинни терган қўл Донгдор, қутли қўл бўлди. — Ҳабибий

Нурга тўла, эркин, озод Қутли уйинг муборак. — Ғ, Ғулом

2. айн. Қутлуғ 2.

Унинг эгнида қадимона тикилган кенг, узун оқ шоҳи кўйлак (қутли кунда бурма кўйлак кийишни онаси ман этган), бошида байтлар ёзилган катта санама рўмол, оёқларида ипакдай майин гул-дор маҳси. — Ойбек, Танланган асарлар

сфт. Қутбга оид (

Қутбий доира. Қутбий иқлим. Қутбий стансия. Қутбий экспедиция.