Qidiruv

ot 1. Boylik, baxt; baraka.

Chaqmoq chaqsin momaqaldiroq, Mayli koʻkni qopla-sin bulut, Shaloladay buluting oppoq, Yogʻdiradi seroblik va qut. — Yu. Shomansur

— Ishimizga qut kiryapti — dedi — Oʻktam. Oybek, Oltin vodiydan shabadalar

2. Yuz (bet)ning rangi.

Endi xotinning rang-quti joyiga kelgan va basharasidan qoʻrqish alomati yoʻqolgan edi. S. — Ayniy, Qullar

ot 1. geogr. Yerning faraziy aylanish oʻqi bilan yer sirti kesishgan ikki nuqtadan har biri; ana shu nuqtalar atrofidagi yer-joylar.

Janubiy qutb. Shimoliy qutb. Qutb doirasi. Janubiy qutbda bir qancha ilmiy ekspeditsiya tekshirish ishlari olib bormoqda.

2. fiz. Elektr zanjiri yoki magnitning qarama-qarshi ikki tomonidan biri.

Manfiy qutb. Musbat qutb.

3. koʻchma Bir-biriga mutlaqo zid, qara-ma-qarshi boʻlgan ikki xil narsa, voqea, hodisa va shu kabilardan biri; qarama-qarshi tomon.

Bu usul natijasida davrning har ikki qutbga munosabatidagi katta tafovut yanada jiddiyroq shaklda ifodalanadi, kontrast kuchaytiriladi — OʻTA

ot 1. Qulf-kalitli kichkina sandiqcha.

Yoshlikdan boshlab kelinoyilarining sandiqlarini, qutilarini tintib oʻrgangan Nuri kaliti burnida unutilgan bir qutini ochdi. — Oybek, Tanlangan asarlar

2. Xat, gazeta, saylov byulleteni va shu kabilar tashlash uchun maxsus yasalgan yashikcha.

Saylov qutisi.

Xat tezda yetib borsin uchun, ertasiga shaharga borib, uni tezyurar poyezdning pochta qutisiga solib yuborishdi. — O. Yoqubov, Er boshiga ish tushsa

3. Ichiga bir turdagi narsalar joylangan yoki joylanadigan har qanday idish, yashik yoki korobka va boshqalar

Gugurt quti. Papiros qutisi. Ikki quti koʻk choy.

— Akramga ikki quti konfet ber, — deb buyruq berardi Otaxon. — I. Rahim, Chin muhabbat

Pulemyot buzilmagan, hatto yangi lenta oʻtkazilgan, narida oʻq solinadigan ikkita metall quti ham turibdi. — A. Qahhor, Oltin yulduz

Devorda yogʻoch telefon qutisi, burchakda esa telegraf apparati oldida bir qiz oʻtirardi. — A. Muxtor, Opa-singillar

4. Yigirma gramm pilla qurti urugʻi solingan maxsus qogʻoz korobka va shu urugʻdan chiqqan ipak qurti.

Sattorqul bahorda qari-qartanglarni yigʻib: — Bekordan hamma bezor, hech boʻlmasa bir qutigina qurt tutmaysizlarmi? — dedi. — A. Qahhor, Qoʻsh-chinor chiroqlari

sft. 1. Qut-barakali.

Oq oltinni tergan qoʻl Dongdor, qutli qoʻl boʻldi. — Habibiy

Nurga toʻla, erkin, ozod Qutli uying muborak. — Gʻ, Gʻulom

2. ayn. Qutlugʻ 2.

Uning egnida qadimona tikilgan keng, uzun oq shohi koʻylak (qutli kunda burma koʻylak kiyishni onasi man etgan), boshida baytlar yozilgan katta sanama roʻmol, oyoqlarida ipakday mayin gul-dor mahsi. — Oybek, Tanlangan asarlar

sft. Qutbga oid (

Qutbiy doira. Qutbiy iqlim. Qutbiy stansiya. Qutbiy ekspeditsiya.

sft. 1. ayn. Qutli 1.

Agʻdarma etikning changi ham qutlugʻ — Baraka yildagi xirmonning gardi. — Gʻ, Gʻulom

2. Xosiyatli, muborak.

Oilaning yangi aʼzolarini yangi yerda muborakbod etishib, poyqadamlari qutlugʻ boʻlishini tilashdi. — R. Fayziy, Choʻlga bahor keldi

3. ayn. Muqaddas.

Bu qon eng qutlugʻ eng sof qon. — Oybek, Tanlangan asarlar

4. Tabrik, muborakbod soʻzlariga javobni bildiruvchi soʻz.

— Martabalari muborak boʻlsin? — Qutlugʻ, taqsir, qani, marhamat qilsinlar. — A. Qodiriy, Mehrobdan chayon