«қуршалмоқ» бўйича 4 та натижа
фл. Қуршамоқ феълининг мажҳул нисбати.
Қуршалган ёв қўшини таслим бўлди.
Ана, уч тарафи тоғлар билан қуршалиб, жануби пахтазор далаларга улашиб кетган кўм-кўк шаҳарча. — Ш. Холмирзаев, Тўлқинлар
фл. 1. Атрофлаб ўраб олмоқ, атрофи шахс ёки нарса билан банд этилган ҳолатда бўлмоқ.
Майдонни қуршаган одамлар курашни томоша қилмоқда.
Машина тўхташи билан унинг атрофини бола/гар қуршади. — С. Зуннунова, Янги директор
Ҳамма Султон амакини қуршаб, Нима қиламиз, деб маслаҳат сўраяпти. — Ҳ. Назир, Ёнар дарё
2. Атрофини чиқиб кета олмайдиган қилиб тўсмоқ, тутқун ҳолатга олмоқ.
Душман аскарларини қуршаб олмоқ.
Эртасига ўрмон ичида маст-аласт бўлиб юрган каллакесарларни қуршаб олади ва қириб ташлайди. — Н. Сафаров, Оловли излар
3. кўчма Чулғамоқ, қамрамоқ.
Ямоқчи чолнинг вужудини қаҳр-ғазаб қуршаб олган, ҳаяжонланганидан қўли қалтирарди. — Н. Сафаров, Оловли излар
фл. Қуршамоқ феълининг орттирма нисбати.
фл. Қуршамоқ феълининг биргалик нисбати.
