Қидирув

сфт. Қудрати ёʻқ, қудратга эга эмас; кучсиз.

от 1. Юқори даражадаги куч-қувват; шундай куч-қувватли имконият; қодирлик.

Инсон қудрати ҳамма нарсадан устун чиқди, чўлда сунъий денгиз барпо этди. — Ўзбекистон қўриқлари

Шамолнинг қудрати ҳазилакам эмас. У саҳрони остин-устун қилиб, қумтепаларни учириб олиб юради. — Фан ва турмуш

Суярқул Мамаюсуфнинг олдида қилтириқ кўринса ҳам, ўнта Мамайни па-чоқлагудек қудрат сезарди ҳозир ўзида. — А. Кўчимов, Ҳалқа

2. Умуман, бирор нарсани амалга ошириш имконияти; куч-қувват, қурб.

Қани эди, қудрати еца-ю, шу тошқин дарёдан ҳовучлаб сув элца, ташна гиёҳлар илдизига нам, чўлларга ҳаёт берса. — С. Кароматов, Сўнгги бархан

Битта чопон тиктиришга қудратим етмайди — Ойбек, Танланган асарлар

3. Қодирлик, куч манбаи.

Оламга арзигулик қудрат шу чаноқдадир — Газетадан

Қандайдир бир қудрат уни силкиб, ўзига келтирди — Мирмуҳсин, Умид

4. Аллоҳга хос куч-имконият; илоҳий қодирлик.

Фалончининг келини тўрт оёқли туғибди ё қудратингдан ўргилай! — Ойбек, Танланган асарлар

Ҳар ҳолда, фиғон-нола яхши эмас, ҳар банда қудрат қалами билан ёзилганини кўради. — Ойбек, Танланган асарлар

5. Қудрат (эркаклар исми).

сфт. Катта ишларга қодир; куч-қудратга эга.

Қудратли давлат. Қудратли иншоот.

Қудратли насос стансиялари Сирдарё сувини ўнгу чапга кўтариб бермоқда. — Ўзбекистон қўриқлари

Ер текислаётган қудратли техниканинг бир меъёрдаги гуруллаши жимликни бузарди. — Газетадан

фл. Қудрат орттирмоқ, қудратга эга бўлмоқ; кучаймоқ.