Қидирув

фл. 1. Қоқ қуритмоқ, қуритиб қоқ, сур қилмоқ.

Гўшт қоқламоқ.

— Бизни шўлонга қамаб, балиқдай қоқлагани учун худонинг ўзи қаҳрига олибди. — А. Мухтор, Қорақалпоқ қиссаси

2. кўчма Сира ҳам қолдирмай, таг-туги билан ёʻқ қилмоқ, бор-ёʻғини қуритмоқ.

Сизнинг омборларингизни ҳам йигитларга талатиб, қоқиб чиқиб кетишди. — К. Яшин, Ҳамза

Унинг маъракаларини ўтказиш учун уйимизни қоқладик, қарзга ботдик. — Ойбек, Танланган асарлар

3. Қоқи қилмоқ.

Онама айтинглар, қовун қоқласин, Қовуннинг қоқи(си)ни уч ой сақласин. — Қўшиқлар

фл. Қоқламоқ феълининг мажҳул нисбати.

фл. Қоқламоқ феълининг орттирма нисбати.

фл. Қоқламоқ феълининг биргалик нисбати.

фл. Қопқоқ билан бекитмоқ, қопқоғини ёпмоқ, маҳкамламоқ.

Консерва банкаларини қопқоқламоқ. Яшикни қопқоқламоқ. Қудуқни қопқоқламоқ. Қопқоқлаш автомати.

[Ҳамробиби] Дастурхон ёзди, бақирлаб қайнаётган самоварни келтириб, қопқоқлаб қўйди. — Р. Файзий, Эл меҳри

фл. Ботқоқликка айланмоқ.

Тупроқларни текширишдан асосий мақсад маълум ҳудуддаги тупроқнинг типи ва хилларини аниқлаш шўрланиш ва бот-қоқланиш жараёнларини ўрганишдир. — М. Баҳодиров, Тупроқшуносликдан амалий машғулотлар