Поиск

sft. 1. Biror ishga qobil, yaroqli boʻlmagan, biror ish qoʻlidan kelmaydigan; layoqatsiz.

Zebi qarshilik qilishga qobiliyatsiz edi. — Sh. Rashidov, Qudratli toʻlqin

2. Qobiliyati, talanti yoʻq; isteʼdodsiz.

ot 1. Bilim, koʻnikma, malakalardan farqli oʻlaroq, shaxs-ning muayyan faoliyat yuzasidan layoqati va uning ish uddalay olishidagi subyektiv shart-sharoitlarni ifodalovchi individual ruhiy va jismoniy xususiyatlari.

Samandar oʻzini idora etish qobiliyatidan tamoman mahrum boʻlgan edi. — S. Karomatov, Qalbingda quyosh

2. Isteʼdod, talant.

Gʻafur Gʻulomning bu qadar hozirjavobligi, qobiliyatining siri nimada edi? — Shukrullo, Javohirlar sandigʻi

Arabboy yomon oʻqigani bilan yaxshi tashkilotchi, katta mansablarga loyiq qobiliyati bor. — P. Tursun, Oʻqituvchi

3. Umuman, layoqat, qodirlik, qudrat.

Boshqarish qobiliyati. Mudofaa qobiliyati.

Vodorod bizga maʼlum boʻlgan tabiiy yoqilgʻilar orasida rekord issiqlik berish qobiliyatiga ega. — Gazetadan

sft. 1. Biror ishga qobil, yaroqli boʻlgan, biror ish qoʻlidan keladigan; layoqatli.

Ishga qobiliyatli qariyalar.

Bosh muharrir, Rahim akaning qobiliyatli xodim ekanligini nazarda tutib, baʼzi erkaliklarini koʻtarardi. — F. Musajonov, Himmat

2. Isteʼdodli, talantli.

Qobiliyatli shogird.

Qobiliyatli bolaning ovozasi kun sayin kengroq yoyila boshlaydi. — T. Obidov, Yusufjon qiziq