Qidiruv

ot 1. Bor, mavjud, rejadagi narsa, hodisa va shu kabilarning ustiga qoʻshiluvchi yoki ularni toʻldiruvchi.

Qoʻshimcha mahsulot. Qoʻshimcha dars.

Turgʻun sizga qoʻshimcha hujjat bermoqchi. — N. Safarov, Hayot maktabi

U domlaning nojoʻya harakatlari toʻgʻrisida qoʻshimcha maʼlumotlar berdi. — P. Tursun, Oʻqituvchi

2. ot Muhokamaga qoʻyilgan qaror, rezolyutsiya va shu kabilarga kiritish uchun taklif etilgan yangi fikr, mulohaza va shu kabilar

Qaror qoʻshimchalari bilan bir ogʻizdan qabul qilindi.

3. ot Tlsh. Soʻzga qoʻshilib, yangi soʻz yoki soʻz shaklini yasash uchun xizmat qiladigan morfema.

4. ot Asosiy narsaga qoʻshilgan, aralashgan har qanday boshqa narsa, aralashma.

Hech qanday qoʻshimchasi yoʻq, toza asal.

5. ot S.t. Ilova.

ot 1. Qovoq tepasidagi yoysimon tukli qatlam.

Quyuq qosh. Payvasta qosh. Qosh(ni) boʻyamoq. Qosh(ni) termoq. Qosh(ni) chimirmoq. Qosh(ni) qoqmoq.

Samandarov bir qoshi past va bir qoshi baland boʻlib, oʻchib qolgan maxorkasini chiroqdan tutatib oldi. — A. Qahhor, Qoʻshchinor chiroqlari

— Hoy-hoy, — kotib tutash qoshlarini uchirib qoʻyib, Akbarga koʻz qisdi. — A. Obidjon, Akang qaragʻay Gulmat

2. Baʼzi narsalarning old qismi, turtib chiqqan joyi.

Ayvonning qoshi.

Xizmatkorlar qoʻltigʻimdan koʻtarib, otga mingashtirmoqchi boʻlganlarida, oyogʻim uzangidan toyib, burnim egarning qoshiga tegib ketdi. — Gʻ. Gʻulom, Tirilgan murda

3. Uzuk, isirgʻa kabi buyumlarga oʻyib solingan yoysimon gul — bezak.

Kanizlarning qoʻllarida qoshlari brilliant oltin bilaguzuklar, boʻyinlarida zebigardonlar. — J. Sharipov, Xorazm

4. koʻm. vzf. (3-shaxs egalik va makon kelishiklari shaklida — qoshiga, qoshida, qoshidan) Makon munosabatlarini bildiradi.

Hech kim rahm aylamas qolish yoshimga, Shakar aka, kelgin mening qoshimga. — Shirin bilan Shakar

Qoshimdan noz-istigʻno bilan ketding, yomon boʻldi, Qoshimga noz-istigʻno bilan kelsang, yomon boʻlmas. — J. Kamol

Uch qizim bor, bir oʻgʻlim bor qoshimda, Baxt-u davlat keldi yetmish yoshimda. — Habibiy

1. Ikkita, bir juft; juft.

Qoʻrqqanga qoʻsha koʻrinar. — Maqol

Yarashiqli kelgan qoʻsha kokiling. — Hasanxon

Qoʻsha kungurali binolar, Qubbalarda oʻynaydi quyosh. — E. Rahim

2. Qoʻsha qarimoq Umrning oxirigacha bir-biridan ajralmasdan, birga yashab oʻtmoq.

Fotimaning ham unga mayli bor. Agar yulduzlari toʻgʻri kelgan boʻlsa, qoʻsha qarishsin. — P. Tursun, Oʻqituvchi

ot ayn. Qoʻra.

ot Qurolli kuchlar majmui yoki uning bir qismi; askar, armiya.

Qoʻshinlarimiz qarshi hujumga oʻtdilar — A. Qahhor, Hi-hi

Kun chiqayotganda, shahar tash-qarisida bir qism qoʻshini bilan Shayboniyxon paydo boʻldi. — P. Qodirov, Yulduzli tunlar

ot Ovqat yeyish yoki ichish uchun ishlatiladigan roʻzgʻor buyumi.

Yogʻoch qoshiq. Kumush qoshiq. Choy qoshiq. Quruq qoshiq ogʻiz yirtar. — Maqol

Sulaymonov qaymoqdan bir qoshiq olib ichdi-da, birdan afti burushdi. — A. Qahhor, Ikki yorti — bir butun