Қидирув

от 1. Турли элемент, қисм ва шу кабиларнинг ўзаро қўшилишидан таркиб топтан нарса, бирикма.

Универсал асбоб икки айланувчи доиранинг қўшилмасидан иборат. — Астрономия

2. Йирик ҳарбий қисм (бригада, дивизия, корпус ва шу кабилар).

Иккинчи Болтиқбўйи фронтининг қўшилмалари умумий ҳужумга ўтиш тараддудида эди. — Т. Рустамов, Мангу жасорат

фл. 1. мат. Қўшув амалини бажармоқ, жам қилмоқ.

Бешни бешга қўшмоқ.

2. Бирор нарсага бошқа нарсани аралаштирмоқ ёки солмоқ.

Сутга сув қўшмоқ. Чойга шакар қўшмоқ. Лойга сомон қўшмоқ.

Гулнор ўқчиб-ўқчиб сўзлади: — Заҳар Салим қўшган. — Ойбек, Танланган асарлар

Ҳар бир ақли бор одам қовунга пиёз қўшиб ейиш нотўғри эканини билса керак. — А. Қаҳҳор, Мунофиқ

Дарахтларнинг гулларидан сочилаётган ҳидни ҳаво билан қўшиб, ҳар қанча шимирсанг ҳам тўймайсан, киши. — Н. Сафаров, Жангчи шоир

3. Бўлак-бўлак, алоҳида, мустақил нарсалардан бир бутунлик ҳосил қилмоқ, бирлаштирмоқ.

Икки институтни қўшмоқ. Мол-у мулкни қўшмоқ. Сўзларни бир-бирига қўшиб, гап тузмоқ.

Бешинчи ва еттинчи синфларни қўшиб ўқитяпти дадам. — С. Сиёев, Ёруғлик

4. Бирини бошқасининг ёнига, устига қўймоқ, тиркамоқ, ташламоқ; бир қилмоқ, бир қилиб қўймоқ.

Хирмонга этак-этак пахта қўшмоқ.

Шинел ва гимнастёркаларини ечди-да, тугун қилиб, бошқаларникига қўшди. — Ойбек, Қуёш қораймас

5. Қўшимча тарзда бермоқ, киритмоқ.

[Мирзакаримбой] Бир нафас ўйлаб, яна уч сўмлик қоғоз ва бир сўлкавой қўшиб, Ёʻлчига ташлади. — Ойбек, Танланган асарлар

6. Гап, фикр ва шу кабилар қўшимча қилмоқ; гап қистирмоқ.

У Хадичахоннинг сўзига нимадир қўшмоқчи бўлди-да, ҳозир айтиб қолмаса, худди кечикиб қоладигандек шошди. — Н. Сафаров, Хадича Аҳророва

Ўша кув-нок вазиятини ўзгартирмай, қўшиб қўйди: — Оёғингиз оғримаяптими? — С. Кароматов, Олтин қум

7. Борига яна нимадир киритмоқ, бирор нарсани яна нима биландир тўлдирмоқ. ||Умрга умр қўшмоқ. Ҳуснига ҳусн қўшмоқ.

Ҳазин мисралар унинг дардига дард қўшар эди. — Х. Султонов, Онамнинг юрти

бу сайил навбаҳорга файз қўшарди. — Мирмуҳсин, Меъмор

8. Қаторига киритмоқ, бирга қилмоқ.

[Ўзбек ойим:] Отабекнинг ёнига Ҳасаналини қўшиб, Марғилонга юбораман. — А. Қодирий, Ўтган кунлар

Бу йигитни аскарий машқ ўтказаётган навкарларга қўшинг! — П. Қодиров, Юлдузли тунлар

Ишонмасак, сени тўдамизга қўшмасдик. — С. Сиёев, Ёруғлик

9. Бирга қилмоқ; бириктирмоқ.

Бири Робияни оёқларидан ушлаб олган, иккинчиси унинг кўлларини белига қўшиб, маҳкам қисиб турган — П. Қодиров, Юлдузли тунлар

10. этн. Сарпо қилмоқ, сарпо, сеп тариқасида бермоқ.

Битта хитой жужун мурсакни кам кўриб, ёнига ўзининг қимматбаҳо заррин мурсагини қўшган эди. — А. Қодирий, Ўтган кунлар

11. Арава, извош, омоч ва шу кабиларни тортиш учун тегишли абзал ёрдамида бириктирмоқ (от-улов ҳақида).

Ҳозир нариги тўриқ қашқани қўшаман жувозга. — Н. Фозилов, Оқим

[Ёрмат] Отни қўшгандан кейин аравага қалин намат солди. — Ойбек, Танланган асарлар

Офицер ҳозир: Қўшга қўшсанг ҳам, майли, ишқилиб ўлдирма, деб кетаётибди. — А. Қаҳҳор, Олтин юлдуз

12. От-улов тиркаб тайёр қилмоқ (арава, извош, омоч ва шу кабилар ҳақида).

Фазлиддин аччиқ чойни ичиб қониққач, извошни қўшди. — Ойбек, Танланган асарлар

У [Сидиқжон] бир куни, тушки дам олиш вақтида, Зиёдахоннинг сўровига кўра, эшак-аравани қўшиб, дарёдан сув келтиргани борди. — А. Қаҳҳор, Қўшчинор чироқлари

13. Эркак киши билан аёлни уйламоқ, бир ёстиққа бош қўйдирмоқ, қовуштирмоқ.

Қирқ кун тўй қилиб, қирқ биринчи кечаси йигитларни қизларга қўшдилар. — Эртаклар

[Ҳасанали:] Бекни уйлантирдим, севганига қўшиб қувонтирдим! — А. Қодирий, Ўтган кунлар

от 1. Қовоқ тепасидаги ёйсимон тукли қатлам.

Қуюқ қош. Пайваста қош. Қош(ни) бўямоқ. Қош(ни) термоқ. Қош(ни) чимирмоқ. Қош(ни) қоқмоқ.

Самандаров бир қоши паст ва бир қоши баланд бўлиб, ўчиб қолган махоркасини чироқдан тутатиб олди. — А. Қаҳҳор, Қўшчинор чироқлари

— Ҳой-ҳой, — котиб туташ қошларини учириб қўйиб, Акбарга кўз қисди. — А. Обиджон, Аканг қарағай Гулмат

2. Баъзи нарсаларнинг олд қисми, туртиб чиққан жойи.

Айвоннинг қоши.

Хизматкорлар қўлтиғимдан кўтариб, отга мингаштирмоқчи бўлганларида, оёғим узангидан тойиб, бурним эгарнинг қошига тегиб кетди. — Ғ. Ғулом, Тирилган мурда

3. Узук, исирға каби буюмларга ўйиб солинган ёйсимон гул — безак.

Канизларнинг қўлларида қошлари бриллиант олтин билагузуклар, бўйинларида зебигардонлар. — Ж. Шарипов, Хоразм

4. кўм. взф. (3-шахс эгалик ва макон келишиклари шаклида — қошига, қошида, қошидан) Макон муносабатларини билдиради.

Ҳеч ким раҳм айламас қолиш ёшимга, Шакар ака, келгин менинг қошимга. — Ширин билан Шакар

Қошимдан ноз-истиғно билан кетдинг, ёмон бўлди, Қошимга ноз-истиғно билан келсанг, ёмон бўлмас. — Ж. Камол

Уч қизим бор, бир ўғлим бор қошимда, Бахт-у давлат келди етмиш ёшимда. — Ҳабибий

1. Иккита, бир жуфт; жуфт.

Қўрққанга қўша кўринар. — Мақол

Ярашиқли келган қўша кокилинг. — Ҳасанхон

Қўша кунгурали бинолар, Қуббаларда ўйнайди қуёш. — Э. Раҳим

2. Қўша қаримоқ Умрнинг охиригача бир-биридан ажралмасдан, бирга яшаб ўтмоқ.

Фотиманинг ҳам унга майли бор. Агар юлдузлари тўғри келган бўлса, қўша қаришсин. — П. Турсун, Ўқитувчи

от айн. Қўра.

от Қуролли кучлар мажмуи ёки унинг бир қисми; аскар, армия.

Қўшинларимиз қарши ҳужумга ўтдилар — А. Қаҳҳор, Ҳи-ҳи

Кун чиқаётганда, шаҳар таш-қарисида бир қисм қўшини билан Шайбонийхон пайдо бўлди. — П. Қодиров, Юлдузли тунлар