Поиск

fl. 1. Qoʻrquv his etmoq, qoʻrquv hissiga berilmoq.

U hech narsadan qoʻrqmaydi. Qoʻrqqanga qoʻsha koʻrinar. — Maqol

Teshaboyning jahli chiqdi: — Teshganda koʻzingizni teshmaydi-ku! Muncha qoʻrqmasangiz? — M. Ismoiliy, Fargʻona tong otguncha

Kelin qoʻrqqanidan hushi ketib qoldi. — Hamza, Burungi qozilar

2. Qoʻrqoqlik, yuraksizlik qilmoq, yuragi betlamay, dov bermay qochmoq.

Qoʻrqqan oldin musht koʻtarar. — Maqol

3. Hadik olmoq: botina olmaslik, yuragi dov bermaslik; choʻchimoq.

Hayot xuddi yiqilib ketishdan qoʻrqqandek, bir qoʻli bilan tanchani ushlab, yuzini yigitdan xiyol qochirib oʻtirardi. — M. Ismoiliy, Fargʻona tong otguncha

Dardini aytibdi-yu, familiyasini aytgani qoʻrqibdi. — S. Siyoyev, Otliq ayol

sft. Har narsadan qoʻrqaveradigan, yuragi yoʻq, yuraksiz.

Zilzila uni yanada qoʻrqoq, boʻlar-boʻlmasga choʻchiydigan qilib qoʻygan edi. — N. Aminov, Qahqaha

Qoʻrqoq oʻlmasdan burun oʻladi, oʻlikdan nima kutib boʻladi. — Uygʻun, Hayot qoʻshigʻi

Qoʻrqoqqa koʻlanka azroil, deydilar. — A. Qahhor, Toʻyda aza

ayn. qoʻrquv

Dushmanlar koʻp pitirlashdi, Qoʻrqishlari haddan oshdi — "Gulixi-romon"

sft. 1. Qoʻrqmoq feʼlidan boʻlishsiz sifatdosh.

U hech narsadan qoʻrqmas edi.

2. Qoʻrqishni bilmaydigan; dovyurak.

Bu qoʻrqmas, qotmadan kelgan komandir urushning boshidan oxirigacha harbiy xizmatda boʻldi. — Gazetadan

ot 1. Qoʻrquv holati, hissi; qoʻrquv, dahshat, vahima.

Uning vujudini qoʻrqinch qamrab oldi. Qoʻrqinchga tushmoq.

Nigoraning hamon qoʻrqinch, dahshat toʻla koʻzlarida minnatdorchilik uchquni yiltiradi. — S. Anorboyev, Oqsoy

2. Xavotirlik, bezovtalik holati, hissi; xavfsirash, hadiksirash; hadik.

Nikolinning qalbini yangi bir qoʻrqinch tatalardi. Oʻq-dori, oziq-ovqat unda chegarali edi. — Oybek, Quyosh qoraymas

Endi bu ikkinchi soxta xatni yozdirishda, garchi hozir Otabekning qoʻlyozmasi oʻz qoʻlida boʻlsa ham, yana qoʻrqinchi yoʻq emas edi. — A. Qodiriy, Oʻtgan kunlar

3. ayn. Qoʻrqinchli.

Otabek sapchib ketdi, tusi qoʻrqinch holga kirgan edi. — A. Qodiriy, Oʻtgan kunlar

Toshni toshlarga urib, Tarqatib qoʻrqinch ohang. — Gʻayratiy

Kumushbibi ortiq chidolmadimi, qoʻrqinch bir tovush bilan hayqirdi: — Oh, oʻlaman, koʻp soʻzlama! — A. Qodiriy, Oʻtgan kunlar

sft. Qoʻrquv uygʻotadigan, qoʻrquv holatli, qoʻrquv ifodali.

Atrofga qoʻrquvli nazar tashlamoq.

Nuri yolgʻiz qolarkan kuzning oydin kechasidagi qoʻrquvli, lekin uning uchun eng totli damlar yodidan oʻtdi. — Oybek, Tanlangan asarlar

Qoʻrquvli koʻzlar bilan tevarakni kuzatdi. — A. Qahhor, Yillar