Поиск

fl. Qoʻllamoq feʼlining majhul nisbati.

fl. 1. Yoqlamoq, quvvatlamoq, yordam, koʻmak, madad bermoq.

Haq ishni xalq qoʻllar. — Maqol

Ayollar oʻtmishdan hammadan koʻp zulm koʻrgan, hammadan koʻp jaholatda qolgan. Ularni hurmat qilishimiz, qoʻllashimiz, suyashimiz kerak. — TI. Tursun, Oʻqituvchi.

2. Tatbiq etmoq, ishlatmoq.

Ishda yangi metodlarni qoʻllamoq. Sugʻorishning yangi sistemasini qoʻllamoq.

[Salimboyvachcha] Attorlik rastasida zahar sotib olarkan, buni qachon va qanday qoʻllashni aslo oʻylagani yoʻq edi. — Oybek, Tanlangan asarlar

Javod Koʻchiyev unumsiz yerlarda Malikdagi tajribalarini qoʻlladi. — Oʻzbekiston qoʻriqlari

ot Biror ish, oʻqish, oʻqitishda foydalaniladigan, yoʻl-yoʻriq koʻrsatadigan yozma manba.

Oʻrtoq Moʻminovning dialektik materializm boʻyicha qilgan ishlari va bu sohada birinchi boʻlib oʻzbek tilida yordamchi qoʻllanma yozganligi ham maʼlum. — OʻTA

To shu kungacha oliy oʻquv yurtlarining filologiya fakultetlari uchun Hozirgi zamon oʻzbek tili kursidan maqbul bir qoʻllanma yoʻq edi. — OʻTA

fl. Qoʻllamoq feʼlining orttirma nisbati.

fl. 1. Qoʻllamoq feʼlining birgalik nisbati.

Xoʻja urugʻlari oʻz avlodimiz deyishib, Tojiboyni qoʻllashadi. — P. Tursun, Oʻqituvchi

Ular bir-birlarini qoʻllashadi: yasovul boshini — qozikalon, qozikalonni — xon. — J. Sharipov, Xorazm

2. Bir-birining qoʻlini ushlab, qop va shu kabilarning belidan olib, ikkinchi boʻsh qoʻli bilan ostidan ushlab koʻtarmoq.

Qoplarni qoʻllashib, mashinaga ortmoq.

Erkaboy va moʻylovdor yigit qoʻllashib, Saidning yelkasiga xarsangtosh qoʻyishdi. — Y. Muqimov, Olov va nihollar

fl. Qoʻllanmoq feʼlining majhul nisbati.