Қидирув

2. Қизиқиш уйғотадиган, диққатни тортадиган; қизиқарли. м . Етти-саккиз ёшдаги болалар учун чиллак ўйинидан қизиғи борми? Р. Файзий, Сен етим эмассан

Қизиқ ҳикоя. Қизиқ эртак. Қизиқ томоша

Бунда ҳолдан тойгунча ишлашиб, участканинг умумий геологик схемасини тузишди, баъзи бир қизиқ жойларнинг суратини олишди — С. Кароматов, Олтин қум

3. Завқ, кулги қўзғатадиган

Улар бир-бирига гап бермай, аллақандай воқеани гапиришиб келишяпти. Жуда қизиқ жойига келишган бўлса керак, ҳаммалари бирдан хахолаб кулиб юборишди — С. Анорбоев, Оқ-сой

4. Кўнгил очадиган, мароқли, қизиқар-

Базм жуда қизиқ, жуда кўнгилли эди — А. Қодирий, Ўтган кунлар

[Салимбойвачча] Ўтириш қизиқ, жуда хушчақчақ, базм жуда қийқириқли бўлишини билиб.. саман ёʻрғани эгарлатиб қўйган эди — Ойбек, Танланган асарлар

5. ўайриодсий, ажаблантирарли, ғалати

Уни бекордан-бекорга қамаб қўйиши қизиқ- — ку/ Мирмуҳсин, Меъмор

Ўзимам қизиқман-да.. Иллй ёмғирдан қўрқиб, мактабдан қолиб ўтирсам — Э. Раимов, Ажаб қишлоқ

Буўғрилар қизиқ: "Ойда, йилда бир келган меҳмонидан айрилмасин", деб ашула айтади — А. Қаҳҳор, Қўшчинор чироқлари

6. Таажжуб, ҳайронликни билдиради

Қизиқ, бирдан ойим, бояги гаплар эсига тушдими, қовоғини солиб олди — Ҳ. Назир, Ёнар дарё

-Қизиқ, нима қилиб юрибди ярим кечада?Ў — Ҳошимов, Қалбингга қулоқсол

7. айн. қизиқчи. м . Бирдан хон ва раият кулиб юбордилар, бу киши Худоёрнинг энг яхши қизиғи Зокир гов эди. А. Қодирий, Меҳробдан чаён

Юсуф(жон) қизиқ. Охун қизиқ

Улуғбек ўтказган катта бир тўйда қизиқлар, чолғучилар, аскиячилардан ташқари, бир аёл ашула айтиб.. ҳаммани масту шайдо қилган экан — К. Яшин, Ҳамза

фл. 1. Қизиқиш билан эътибор бермоқ, астойдил берилмоқ, берилиб муносабатда бўлмоқ, ҳаракат қилмоқ.

-Овозингни чиқариб ўқи, нима дебди? — Мирзакаримбой ҳам қизиқди. — Ойбек, Танланган асарлар

У шунча қизиқиб кетган эдики, елкасига аста қўйилган қўлни ҳам сезмади. — Ш. Рашидов, Бўрондан кучли

Улар ҳар гап сайин, қалай, сизга маъқулми? дегандек Элмуродга тикилиб олар, у эса, чой ҳўплаган ҳолда, бу содда мунозарани қизиқиб тинглар эди. — П. Турсун, Ўқитувчи

2. Билиш, ўрганиш, ишлашга майл қўймоқ, ҳавасманд бўлмоқ.

Унинг ўзи ёшликданоқ физикага қизиқар эди. — Ў. Ҳошимов, Қалбингга қулоқ сол

Мароқли дарсларнинг кучими, кўпчилик ёшлар математика билан адабиётга қизиқарди. — Газетадан

Мен энди, дунёдан ўтаёзган бир киши, эндиги мансабларга унча қизиқа олмайман. — А. Қодирий, Ўтган кунлар

3. Ҳавас қилиб эргашмоқ, ҳавас қўймоқ; берилмоқ.

Қўқон кетаётган ўртоқларига қизиқиб, борма, деганга кўнмади. — А. Қодирий, Ўтган кунлар

Гапдон, хушчақчақ меҳмонларга қизиқиб, у ҳам майни қониқиб ичган эди, чала ечиниб, тош қотиб ухлади. — Ойбек, Олтин водийдан шабадалар

Ҳавас-да... Болалигимдан овга қизиқаман. — Ў. Ҳошимов, Қалбингга қулоқ сол

от 1. Қизиқ ҳаракатлари ва сўзлари билан кишиларни кулдирувчи одам.

Дадаси жуда қизиқчи киши. — Э. Раимов, Ажаб қишлоқ

Илгари овчилик қилган бир қизиқчи йигит мудирликни қабул қилганди. — С. Аҳмад, Музей

2. Халқ сайилларида, йиғилишларида томошабинларни кулдирадиган ўйинлар кўрсатувчи артист; масхарабоз.

Қизиқчилар ўйини. Қизиқчилар кийими. Қизиқчи артист,

Қишлоқ болалари бу масхарабоз, қизиқ-чи бола — Кимсаннинг сўзига қотиб кулишдилар. — С. Абдулла, Ҳасан билан Кимсан

Ўтмишдаги санъаткорлар ичида қизиқчилар алоҳида ўрин эгаллаб келганлар. — Т. Оби-дов, Юсуфжон қизиқ

Билиш, ўрганиш ва шу кабиларга интилиш, ҳавас майли; шахснинг ўзи учун қимматли ва ёқимли бўлган муайян нарса ва ҳодисага муносабати

Бердиёровнинг ёшликдаги интилиши, қизиқиши уни ўзи орзу қилган билим чўққиларига етаклади — Назармат, Жўрлар баланд сайрайди

Ота ўғлининг техникага қизиқишини ёшлигиданоқ сезганди — О. Мўминов, Хиёбондаги уч учрашув

сфт. 1. Салга жаҳли чиқиб, тутақиб кетадиган, аччиғи тез.

Қизиққон одам,

Феъл-атвори жиҳатидан жуда қизиққон, сал нарсага лов этиб ингичка овозини баралла қўйиб чийиллайди. — С. Кароматов, Олтин қум

2. кам қўлл. Юрагида ўти бор; серғайрат.

Ўринбой — шижоатли, қизиққон йигит. — Т. Рустамов, Мангу жасорат

сфт. 1. Диққат-эътиборни жалб қилиб, қизиқиш уйғотадиган.

Шу куни футбол майдонларида ҳам қизиқарли беллашувлар ўтказилади. — Газетадан

Суҳбатларни жонли, қизиқарли, турмушдаги фактларга суяниб ўтказиш керак. — Р. Файзий, Чўлга баҳор келди

2. Манфаат жиҳатидан ўзига жалб қиладиган.

Боғ чакки эмас, унчалик қизиқарли ҳам эмас, шундайми, Салим ака? — Ойбек, Танланган асарлар