Поиск

fl. Qizgʻanmoq feʼlining birgalik nisbati.

fl. 1. Biror narsani sarflashga yoki birovga berishga ogʻrinmoq, esiz deb bilmoq, hayf koʻrmoq, ayamoq.

Ayron soʻrab kelgandan chelagingni ham qizgʻanma. — Maqol

Eshonni qandaydir pul qiziqtirayotganini, qori esa sir boy bermagani holda, oʻsha pulni qizgʻanayotganini Elmurod sezib turardi. — P. Tursun, Oʻqituvchi

2. Achinmoq, raxmi kelmoq.

Qizgʻan, ona, oʻksizni, Oʻsha qutqazdi bizni. — H. Olimjon

Yigit koʻzlaridagi alam va firoqni koʻrgan Iskandaro uni qattiq qizgʻandi. — Oybek, Nur qidirib

3. Bekor ketmaslik harakatini qilmoq, hayf boʻlmaslikni oʻylamoq.

Bugun hech qayerga bormadim — ishimni qizgʻandim.

Muhiddin biron joyga kirib, tamaddi qilib olishni oʻylasa, poyezdga kech qolayotgan kishi singari vaqtni qizgʻanardi. — R. Fayziy, Choʻlga bahor keldi

4. s. t. Rashk qilmoq.

-Abduvahobning turqini xudo koʻtarsin, undan xotin qizgʻanadigan oʻrni yoʻq. Uni nomahram deb boʻlmaydi, odam emas — qul, — deyishardi. — Sh. Toshmatov, Erk qushi

Umar Gulsunni Elmuroddan qizgʻanib, ichi oʻrtanib kelgan edi. — P. Tursun, Oʻqituvchi

5. Oʻziga tegishli narsaga (masalan, bolasiga) teginish, daxl etishga yoʻl qoʻymaslik holatida boʻlmoq, shunday xususiyat (odat)ga eta boʻlmoq (asosan, jonivorlar haqida).

Sovliq bolasini qizgʻanib, ularga yovqarash qilardi. — S. Ahmad, Yulduz

ot kam qoʻll. Qizgʻanish his-tuygʻusi; rashk, hasad.

Hamdamforma qizgʻanch-hasad bilan toʻlib-tosha boshlagan koʻnglini yupata boshladi — S. Ayniy, Qullar

Bu soʻz Elmurodning koʻnglidagi qizgʻanch choʻgʻini bosgan kulni uchirib yubordi — Shuhrat, Shinelli yillar

sft. 1. Narsasini birovdan ayaydigan; baxil.

Qizgʻanchiq bola.

Novda kerak desam, oʻzimizga kerak, pomidor boylaymiz, deydi. Qizgʻanchiq! — H. Nazir, Soʻnmas chaqmoqlar

Hali aytganimday, otam qanchalik saxiy boʻlsa, onam shunchalik qizgʻanchiq. — Mushtum

2. Rashkchi; hasadchi.

sft. shv. Qizgʻanchiq.

fl. Qizgʻanmoq feʼlining orttirma nisbati.