Поиск

1. ayn. Qiya.

qorongʻi tushishiga yaqinlashganlikdan, qiyo yopilib turgan darbozani kimdir ichkaridan zichlab yopdi. — A. Qodiriy, Oʻtgan kunlar

2. ayn. Qiyalik, qiya.

Togʻ oralab yurar emish, Oʻtib qir-u qiyodan. — T. Toʻla

Qiyo tepasida bir yigit turar — Keng vodiy ustida oʻychan boqishi. — Mirtemir

ot 1. Quyosh tikka koʻtarilgan payt, tush payti; peshin.

Qiyomda chopiqchilar dam olgani chiqishdi. Kun qiyomdan ogʻdi.

Qiyom vaqtida bir qancha bolalar toʻy keldi, toʻy keldi, deb baqirib-chaqirib yugurishdi. — Oybek, Tanlangan asarlar

Kun qiyomiga kelib, peshin namozi oʻqilgandan keyin koʻshkning ich-tashi jimjit boʻlib qoldi. — P. Qodirov, Yulduzli tunlar

2. Meʼyor, marom.

Shavla qiyomiga yetib pishgan edi. Alijon ishtaha bilan huzur qilib yedi. — H. Nuʼmon, Fasllar

Fikr bahsda qiyomiga yetadi. — Shukrullo, Javohirlar sandigʻi

Ketmon deganni bir qiyomda chopadi kishi — A. Qahhor, Qoʻshchinor chiroqlari

3. Oxirgi nuqta, tamom boʻlish payti, oxiri.

Soch oldirish qiyomiga yetay degandi, sarrojlik — egar-jabduq rastasi tomondan qiygʻos toʻpolon ovoz koʻtarilib qoldi. — Gʻ. Gʻulom, Shum bola

Toʻylari gʻaribroq bosh-landi-yu, qiyomida qizib ketdi. — E. Aʼzamov, Javob

Kanal qurilishi qiyomiga yeta boshlagach, Andijonga qaytdim. — Oʻzbekiston qoʻriqlari

ot 1. Ingichka, uzun-uzun keskir bargli koʻp yillik oʻt.

Keksa podachi botqoqqa ham, yuziga urilgan keskir qiyoq barglariga ham eʼtibor qilmay, olgʻa intilar edi. — A. Muxtor, Qoraqalpoq qissasi

Koʻk-orol paxtazori gʻumay, qiyoq, pechak kabi oʻtlardan tozalanib boʻlayozdi. — H. Nazir, Soʻnmas chaqmoqlar

2. Baʼzi oʻt-oʻsimliklarning qiyoq bargiga oʻxshash, keskir bargi.

Maysalar qiyoq choʻzib qoldi. Qamishning qiyogʻi qoʻlni kesib ketdi.

Oʻq tovushi tinganda, savagʻichning qurigan qiyoqlari toʻzgʻib ketganini koʻrdi. — S. Ahmad, Ufq

ot 1. Oʻzaro chogʻishtirish, solishtirish, taqqoslash; muqoyasa, taqqos.

Tarjima sifatini aniqlashning asosiy vositasi qiyosdir. — Gʻ. Salomov, Tarjima nazariyasiga kirish

U notiqlik sanʼatini erinmay oʻrganishi, oddiy qiyoslardan katta xulosalar chiqarish koʻnikmasini hosil qilmogʻi lozim. — Gazetadan

2. Oʻxshash, teng, misl.

Onamiz koʻkragin yoʻqdir qiyosi, Shundan oqib chiqar mehr daryosi. — Yo. Mirzo

Yurtim, senga sheʼr bitdim bu kun, Qiyosingni topmadim aslo. — A. Oripov, Ruhim

ot 1. Tashqi koʻrinish, tus.

Shahrimizning qiyofasi kundan-kunga oʻzgarmoqda.

Goʻyo ulugʻ bir hodisa sodir boʻlishi kutilayotgandek yer-u koʻk tantanali qiyofa oldi. — S. Anorboyev, Oqsoy

Zamonning oyogʻida Qudrat bergan eski choriq, qoʻlida yosh bolaning kallasiday gurzi yuzida gʻayrat oʻti — u shu qiyofada Farhodni esga soladi. — M. Ismoiliy, Fargʻona tong otguncha.

Oʻsha Elgeldimisan, tomir? Sob boʻlibsan-ku! Bay-bay-bay Odamni ham shunday ayanchli qiyofaga solsa boʻlar ekan-da. — A. Muxtor, Qoraqalpoq qissasi

2. Yuz ifodasi.

Uning qiyofasidan xursand ekanligi koʻrinardi.

Negadir, hammaning qiyofasi birdan jiddiy tus olgan. Anvarning koʻzlarida hatto qoʻrquv. — H. Ahmar, Kim haq?

Qiyofamda ranj alomati boʻldi shekilli, hamxonam darhol gapni boshqa tomonga burib yubordi. — N. Aminov, Qaltis xato

3. koʻchma Kishining maʼnaviy, ruhiy va axloqiy xususiyatlari, ongi, dunyoqarashi, bilim-saviyasi va shu kabilar majmui.

Kishining maʼnaviy qiyofasi.

Yoshlarning qilayotgan yillari ularning qiyofasini belgilab beradi. — Gazetadan

ot 1. Diniy eʼtiqodlarga koʻra, goʻyo bu dunyo tugagach, u dunyoda hamma tirilib, soʻroqqa toʻplanadigan kun; oxirat, mahshar.

Afandim, kim qurbonlikka qoʻy soʻysa, qiyomat kuni qil koʻprikdan oʻsha qoʻyni minib oʻtar emish, shu rostmi? — Latifalar

Agarda haqqingizni olmasangiz, men bir keksa odamni qiyomatgacha qiynagan boʻlasiz, oling, inim. — Mirmuhsin, Meʼmor

2. koʻchma Qiy-chuv, toʻpolon, ur-yiqit; janjal.

Ertalab koʻcha qoʻqqisdan qiy-chuv, qiyomat boʻlib ketdi. — P. Tursun, Oʻqituvchi

Aylanay, sizlarning qoralaringizni koʻrishi bilan: Raisga Jalil oʻlgur yetkazgan. Boʻlmasa, nega kelyapti? deb qildi qiyomatni. — S. Anorboyev, Oqsoy

Mana endi nima boʻldi. Hali eshikdan kirishim bilan kelin qiyomat koʻtaradi. — Oydin, Kelin oʻgʻil tugʻibdi

3. koʻchma s.t. Juda ajoyib, kishi qoyil qoladigan.

Qiyomat etik,

Oʻzbekiston oqsoqoli Yoʻldosh ota bilan Usmon Yusupov ham shu yerda [bosh toʻgʻonda] edilar. Koʻp uchastkalardan odam yigʻilgan, qiyomat bazm boʻldi. — Gʻ. Gʻulom, Hamidni eslab