Qidiruv

fl. 1. Jisman yoki ruhan ozor bermoq, aziyat yetkazmoq, azob-uqubatga, qiyin ahvolga solmoq.

Tish ogʻrigʻi meni qiynayapti. Uni tashnalik qiynayapti.

Anvar qiynamay, ozor bermay, zaxasiz kapalak tutib kelganlarga sabogʻini oʻqitib qoʻyish bilan mukofot berar edi. — A. Qodiriy, Mehrobdan chayon

Komila oqsab qoldi, uni baland poshnali, qoshiqday ixcham tuflisi qiynar edi. — Oybek, Oltin vodiydan shabadalar.

Nimaga indamaysiz, Hayotxon? Gapiring, yo meni qiynagani chiqqanmidingiz? — M. Ismoiliy, Fargʻona tong otguncha.

Qudam ikkovimiz basma-basiga orzu-havas deb, bolalarni qiynab qoʻyibmiz. — Mushtum

2. s. t. Biror jihatdan cheklamoq, qismoq, muhtoj qilmoq, zoriqtirmoq.

Ovqatdan qiynamoq. Puldan qiynamoq.

3. Maxsus usullar bilan azob bermoq, azoblamoq, qiynoqqa solmoq.

Qiynab soʻroq qilmoq.

Bosqinchilar unga sira tinim bermay urmoqda va qiynamoqda edilar. — Gazetadan

Fashistlar Hasanovdan oʻzlari uchun kerak boʻlgan maʼlumotlarni soʻrab, qiynay boshladilar. — T. Rustamov, Mangu jasorat

fl. Qiynalmoq feʼlining birgalik nisbati.

ayn. qiynoq 2

Gʻaffor otaga yuborilgan xatni shuncha qiynashlar bilan ham bermading — N. Safarov, Olovli izlar

fl. 1. Qiynamoq feʼlining oʻzlik nisbati.

Ogʻriqdan qiynalmoq. Tashnalikdan qiynalmoq. Tepalikka chiqishda koʻp qiynaldik. Masalani yechishda qiynalmoq.

Qiz toʻgʻri oʻsha yerga kelib choʻkkaladi. U hansirar, qiynalib nafas olayotgani bilinib turar edi. — M. Ismoiliy, Fargʻona tong otguncha

Otabek boshi berk koʻchada qolgandek boʻldi, javobiga qiynaldi. — A. Qodiriy, Oʻtgan kunlar

2. s. t. Biror jihatdan siqilmoq, muhtojlik, qiyinchilik sezmoq.

Suvdan qiynaldik. Puldan qiynalmoq.

[Yoʻlchi] Tutilib qolmas-a, kallasi joyida; tegirmonga tushsa, butun chiqadiganlardan u. Lekin ovqatdan qiynaladi-da, mendan battar chaqasiz edi. — Oybek, Tanlangan asarlar

fl. Qiynamoq feʼlining orttirma nisbati.