Поиск

sft. 1. zid. Qiyinchilik bilan amalga oshadigan, koʻp kuch, mehnat va shu kabilar talab qiladigan; sermashaqqat, mashaqqatli; oson.

Qiyin ish. Qiyin masala. Qiyin vazifa.

Sanat turlarining ichida eng qiyini — rassomchilik. — F. Musajonov, Himmat

Mulla Fazliddin yosh podshohning amri bilan Buratogʻning chiqish qiyin boʻlgan xush-manzara bir qoyatoshi ustiga kichkina hujra qurgan. — P. Qodirov, Yulduzli tunlar

2. Ogʻirchilik, qiyinchilik bilan bogʻliq boʻlgan; ogʻir, mushkul.

Qiyin sharoit. Qiyin ahvol.

Qarab oʻtirsak —uyat boʻladi, xalq qiyin kunimda asqatmadi, deydi. — M. Ismoiliy, Fargʻona tong otguncha.

Musofirchilik qiyin, bola-chaqani sogʻinadi kishi. — Oybek, Tanlangan asarlar

— Bola faqirga qiyin boʻldi, — dedi Jonuzoq oqsoqol Oysuluv suzib kelgan ovqatni yeyayotib. — S. Anorboyev, Oqsoy

3. kesim vzf. Mahol, amrimahol.

Qorongʻida kim ekanini bilish qiyin. Kasalning kelishi oson, ketishi qiyin. — Maqol

U

zamonda, oʻgʻlim, bizga oʻxshagan odamlarning toʻrt tanga orttirishi qiyin edi. — A. Qahhor, Qoʻshchinor chiroqlari

Buning ustiga, suyagi mehnatda qotgan ayolning nozik qomat, xipcha bel boʻlishi qiyin albatta. — M. Xayrullayev, Tilla marjon

Duduq odamning gapirishi qiyin, ammo uning gapini tushunish undan ham qiyin. — F. Musajonov, Himmat

4. kam qoʻll. ayn. Qiyinchilik.

Qizniki qiyin bilan bitar, Oʻgʻilniki oʻyin bilan bitar. — Maqol

ot Gazmol, charm, tunuka va shu kabilar narsani qiyib ishlashda hosil boʻlgan chiqindi, qiyqim, qiyqindi.

ot 1. Qiyin holat, qiyin ekanlik.

Ishning qiyinligi. Masalaning qiyinligi.

Qiyinligi bilan necha pullik ishim bor. — B. Rahmonov, Bahor arafasi

[Nor:] Sizning muddaongiz boshqa narsada. Boʻlmasa, sizga buning hech qiyinlik joyi yoʻq. — Hamza, Paranji sirlari

2. ayn. Qiyinchilik.

Bektemir yoʻlda uchragan qiyinliklarni unutdi. — Oybek, Quyosh qoraymas

[Tojiboy:] Sizlarning uylaringiz pechat boʻlib, koʻp qiyinliklar tortishdi. — Hamza, Paranji sirlari

ot 1. Umuman, qiynalish, qiynoq keltiradigan (tugʻdiradigan) holat; qiyinlik.

Yaralangan Qodir qiyinchilik bilan oʻrnidan turdi. — T. Rustamov, Mangu jasorat

Dastlab, otangga bor, onangga bor, qabilidagi birmuncha qiyinchiliklar sodir boʻlgan esa-da, keyinchalik ishlar yurishib ketdi. — M. Xayrullayev, Tilla marjon

[Yoʻlchi] Qoratoyga yoʻliqdi, qiyinchilik bilan bir aravani baylashdi. — Oybek, Tanlangan asarlar

2. Ishga xalal beradigan, uni qiyinlashtiradigan narsa yoki holat; monelik, toʻsiq, gʻov, qiyinlik.

Ungur ichkarilashgan sari qiyinchiliklar tugʻdirib bordi. Uch quloch ilgarilash bilan ungur ichi ancha qorongʻilashdi. — M. Ismoiliy, Fargʻona tong otguncha

Ular oʻzlarining kuchli irodalari, kurashlari bilan oʻz yoʻllarida toʻgʻonoq boʻlgan qiyinchiliklarni yengib oʻta oladigan kishilardir. — S. Siyoyev, Yorugʻlik

3. Mashaqqat; azob-uqubat.

U otasidan yigirma yoshda qolib, ukalarini qiyinchilik bilan boqqan. — I. Rahim, Chin muhabbat

Qanchadan-qancha qiyinchiliklar bilan uni oʻqitib, oliy maʼlumot olishiga imkon bergan ota-onasidan umr boʻyi minnatdor boʻlib yashadi. — Saodat

4. Ogʻir moddiy ahvol, qattiqchilik, ogʻirchilik.

Qiyinchilik bilan oʻsgan bola.

Hammalarining gaplari, aylanib kelib, tobora avj olayotgan qimmatchilik va qiyinchilik ustida toʻxtalar edi. — P. Tursun, Oʻqituvchi

ЖК

Bunga erishish menga (kimga?) qiyin boʻldi.

ot ayn. Qiyin-qistov.

Salimjon, bolani bahona qilib, har kuni ishingdan boʻsha, deb xotinini qiyin-qistoqqa olaverdi. — A. Muhiddin, Davlat qoralovchisi