«qisqacha» boʻyicha 39 ta natija: Izohli
Qisqa shakldagi; muxtasar.
Qisqacha lugʻat. Qisqacha axborot. Qisqacha tarjimayi hol. Qisqacha soʻzlamoq. Fikrini qisqacha (qilib) bayon etmoq. Mening soʻzim qisqacha.
Men bunga qisqacha javob yozib, Yangi yil siz eson-omon kelgan kuni kiradi, dedim. — A. Qahhor, Xotinlar
Yoʻlchi Gulnorning boshini silab, voqeani qisqacha aytib berdi. — Oybek, Tanlangan asarlar
sft. 1. Boʻylama oʻlchami, uzunligi uncha katta boʻlmagan; kalta.
Qisqa yogʻoch. Qisqa yubka. Qisqa yoʻl. Qisqa sochli ayol. Boʻyi qisqa odam. Boʻyni qisqa ot. Qisqa metrajli film. Yogʻochni uzun, temirni qisqa kes. — Maqol
Ikki yoʻlovchining qisqa soyalari katta-kichik tosh, turli dasht oʻsimliklari ustidan egilib borar edi. — A. Qahhor, Maston
Salimboyvachcha esa, katta yoʻlga qaraganda ancha qisqa, yolgʻizoyoq yoʻldan oʻz bogʻiga ketdi. — Oybek, Tanlangan asarlar
xushbichim burun tagida burovga kelmagan qunduz miyiq, iyakni juda ham chiroyli oʻrab olgan qora qisqa soqol. — M. Ismoiliy, Fargʻona tong otguncha
2. Davomliligi kichik, uzun emas; ixcham.
Qisqa jumla. Qisqa axborot.
Umar Hayyomning qisqa, lekin sermazmun baytlariga singdirilgan hayot falsafasi buyuk, hayot va dunyodayin bepoyon. — Gazetadan
Oʻqituvchi qisqa ifodada koʻp fikr ayta bilish mahoratiga ega boʻlmogʻi lozim. — R. Usmonov, Odobnoma
Yonimda xayol surib oʻtirgan bek: — Borganda bilasiz, domla, — deb qisqagina javob qilib qoʻya qoldi. — H. Tulom, Mashʼal
3. Davomiyligi uzun boʻlmagan (vaqt haqida); zid. uzun.
Qisqa muddat.
Yoz kechasi qisqa. Yoʻlchi bir chimdim uxlab koʻzini ocharkan, tong otgan edi. — Oybek, Tanlangan asarlar
Endigi muhim vazifa — oʻrim-yigʻimni gʻoyat qisqa fursatda uyushqoqlik bilan oʻtkazishdan iborat. — Gazetadan
ot Qisqa holat, qisqa ekanlik.
Vaqtning qisqaligi. Gapning qisqaligi.
fl. 1. Biror jihatdan (boʻyi, uzunligi, hajmi, miqdori va boshqalar) oʻlchami qisqa holga kelmoq.
Yoʻl qisqardi. Ish soati qisqardi. Xarajatlar ikki hissa qisqardi.
Sentyabrning oxirlari. Kunlar qisqarib, tunlar esa uzaya boshlaydi. — T. Obidov, Yusufjon qiziq
Oʻrtadagi masofa tobora qisqarib bormoqda. — T. Rustamov, Mangu jasorat
Gʻoʻza kamayib, paxta maydonlari qisqarib, chorva turli ofatlarga uchrab, yurtda ocharchilik va qahatchilik boshlandi. — K. Yashin, Hamza
2. mat. Biror songa kasrsiz boʻlinmoq; shunday songa boʻlingandan keyin kichik sonlarda ifodalanmoq.
Beshga qisqarmaydigan sonlar. Bu kasr uchga qisqaradi.
ot 1. Qisqartirilgan, muxtasar matn.
Dissertatsiyaning qisqartmasi. Romanning qisqartma varianti.
2. va b. Soʻzning maʼlum shaklda qisqartib berilgan ifodasi — shartli qisqartmalar. Masalan, (va boshqalar) va sh. k. (va shu kabilar), A. O. (Abdulla Oripov).
3. Matnning qisqartirilgan yeri, qismi; qisqartish.
Muhim qisqartmalar.
fl. s. t. Qisqarmoq.
konspektiv Konspekt tarzidagi, asosiy mazmunni qisqacha bayon etadigan. Konspektiv obzor.
avtoreferat Ilmiy asarning oʻz muallifi tomonidan yozilgan qisqacha bayoni. Dissertatsiya avtoreferati.
definitsiya Biror tushunchaning narsa va hodisalarga xos eng muhim belgilarni aks ettiruvchi qisqacha ilmiy izohi; taʼrif.
annotatsiya Kitob, maqola va shu kabilarning mazmuni, ahamiyati haqidagi qisqacha maʼlumot, qisqacha taʼrif. Kitob annotatsiyasi. Annotatsiya yozmoq.
obzor Oʻzaro bogʻlangan masalalarga doir maʼlumotlarni xulosalab, qisqacha qilib berilgan ogʻzaki yoki yozma axborot. Matbuot obzori. Xalqaro obzor. Obzor qilmoq.
brifing Rasmiy shaxslarning ommaviy axborot vositalari vakillari bilan rasmiy nuqtayi nazar bildirish yoki rasmiy xulosalarni qisqacha bayon etish maqsadidagi uchrashuvi.
Shahzoda Asad amakisining hiylasi tufayli taxtdan mahrum boʻlib, surgun qilinadi. U sarguzashtlar davomida malikani qutqarib, oʻzining mardligi va adolatparvarl
