Қидирув

сфт. 1. Куч-қувватга тўлган, етилган.

Қирчиллама йигит.

Ҳу ана, олдинроқда ёши элликдан ошганига қарамай, ҳалиям қирчиллама йигитдай дароз бўйини тик тутиб, Тўламат мўйлов кетяпти. — С. Анорбоев, Оқсой

қирчиллама ёшнинг беш-ўн йили шунга сарф бўлди. — М. Қўшжонов, Дийдор

2. кўчма Авжига чиққан, кучайган, қаҳрига олган, қаттиқ (совуқ ёки қиш ҳақида).

Шундай қирчиллама совуқда чўлга келиш зарурмиди? — Й. Муқимов, Матонатли кишилар

Қирчиллама қиш палласи уни қишлоққа олиб бориш ҳам қийин эди. — О. Ҳусанов, Чўлда

қиш бўлганда ҳам, қирчиллама кунида туғилган. — Ш. Холмирзаев, Сайланма

фл. 1. Куч-қувватга тўлмоқ, етилмоқ.

— Сизми? — деди Кумуш. — Сиз энди қирчиллабсиз! — А. Қодирий, Ўтган кунлар

Расий [Россия] деган мамлакат жудаям олис эмиш, сарт, қозоқнинг ўспиринлари — авжи қирчиллаган йигитлар совуқда оч-яланғоч қирилиб кетмасин яна, кулфатга қолдик! — Ойбек, Болалик

2. кўчма Авжига чиқмоқ, зўраймоқ, қаҳрига олмоқ (совуқ ёки қиш ҳақида).

Қиш тобора қирчилламоқда.

фл. Қирчилламоқ феълининг орттирма нисбати.