Qidiruv

fl. 1. Qimtimoq feʼlining oʻzlik nisbati.

Chokarning hamisha hazil-mutoyiba ilashib turadigan yupqa lablari asabiy qimtingan edi. — S. Siyoyev, Avaz

2. Biror ish yoki harakat qilishga botinolmay, istihola qilib, tortinib turmoq; iymanmoq, tortinmoq.

Hamida qimtinibgina dedi: — Tohir toʻgʻrisida maslahatlashmoqchi edim. — H. Nazir, Onajonimiz

Hayot qimtinib, tortinib, onda-sonda bir kesim qovun oladi-da, bir tishlab, yana qaytarib qoʻyadi. — M. Ismoiliy, Fargʻona tong otguncha

3. Silkinmoq, qimirlamoq, tebranmoq.

Ahmedov oʻtirgan joyida bir qimtinib oldi-da, soʻz boshladi. — H. Nuʼmon, Fasllar

Baqoyev Mirhaydarovga tikildi, nimadir demoqchi boʻlib, ogʻiz juftladi, qimtindi, qizardi va boshini quyi egdi. — S. Abduqahhor, Oldin oʻzingga boq, soʻng nogʻora qoq.

fl. 1. Lablarni bir-biri yoki tishi orasiga olib qismoq, yigʻishtirmoq.

Munisxon tiniq qizil lablarini qimtib, kulib yubormaslikning ehtiyotini qiladi. — A. Qahhor, Sarob

Olaxoʻja labini qimtib, mushtini mosh-guruch soqolli iyagiga tirab, bir nafas xayol surdi. — P. Tursun, Oʻqituvchi

Oyna opa zinadan tushib, uch odimcha bosdi-da, pastki labini qimtib, toʻxtadi. — Sh. Xolmirzayev, Toʻlqinlar

2. Lablari bilan qismoq, chimtimoq.

Burxon ota moʻylovini lablari bilan qimtib sukut qilar, goʻyo xatning davomini kutar edi. — O. Yoqubov, Ota izidan

[Quyon] Jilgʻaga kelib, suv ichdi va koʻm-koʻk maysalarni qimtiy boshladi. — H. Nazir, Soʻnmas chaqmoqlar

3. Qismoq, silkitmoq, qimirlatmoq.

Shokir aka oʻrnidan bir qoʻzgʻalib, tizzasini qimtib, choponining barini qistirib oldi. — H. Nuʼmon, Fasllar

— Otasining oti nima edi? — deya Oyimxon Gulsumga burilgan edi, u esa kiftini qimtib: — Siz bilmasangiz, men qayoqdan bilay? — dedi. — P. Tursun, Oʻqituvchi

qimti lab Yumuq, juftlashgan lab

Mana, novvotim, sen uxlab yotibsan: qimti lablaringda ingichka kulgi.. Quyosh nurlariga gʻarq botibsan — Gʻ. Gʻulom