fl. 1. Topish uchun urinmoq, topishga harakat qilmoq; axtarmoq, izlamoq.
Yoʻqolgan kitobni qidirmoq. Doʻstini qidirmoq.
Hayot shoxlarga tikilib qaradi. U ovoz egasini tanigan, taniganini qidira boshlagan edi. — M. Ismoiliy, Fargʻona tong otguncha
Qutbiddin toʻxtab, shu atrofda tunab qolishga yaraydigan joy qidira boshladi. — S. Karomatov, Oltin qum
Huri gapni choʻzish uchun hovliqib, mavzu qidira boshladi. — F. Musajonov, Huri
2. Qidirish, izlash ishlari olib bormoq, tadqiq etmoq.
Yangi konlar qidirmoq. Kosmosni zabt etish yoʻllarini qidirmoq.
3. Topish, erishish oʻy-xayolida, ishtiyoqida, yoʻlida boʻlmoq.
Baxt qidiribsanmi, uni faqat mehnatdan topasan. — Sh. Rashidov, Boʻrondan kuchli
Haligi men aytgan oʻrtogʻimning ota-onalari orzu-havas qidirib, bechora qizlarini qaritib qoʻydilar. — A. Qodiriy, Oʻtgan kunlar
4. shv. Sayr-sayohat qilmoq.
Sayr etib-qidirib, dunyoni kezib, Soʻz aytib, Moskvada yurgan — Jambuldir, Fozil Yoʻldosh oʻgʻli
- Iz qidirmoq Kampir iz qidirib, bogʻma-bogʻ borib, baland devor oldida toʻxtadi. — I. Rahim, Chin muhabbat
- Tirnoq ostidan kir qidirmoq