Поиск

fl. Qayrilmoq feʼlining birgalik nisbati.

fl. 1. Qayirmoq feʼlining oʻzlik va majhul nisbati.

Kitobning varagʻi qayrilib qolibdi. Mix qayrilib ketyapti.

Ehe, mashina liq toʻla temir asbob. Bir xili oʻroqqa oʻxshab tigʻi qayrilgan. — H. Nazir, Choʻl havosi

[Saodat] Hosili koʻpligidan shoxi yerga qayrilib tushgan olma daraxtlariga uzoq tikildi, nimalarnidir oʻyladi. — N. Safarov, Saodatning qissasi

Bulbuli goʻyo edim, sindi qanotim qayrilib, Ne gunohim bor edi — qoldim onamdan ayrilib. — S. Abdulla, Tohir va Zuhra

2. Burilmoq, oʻgirilmoq.

Erkak toʻniga yaxshiroq oʻrandi-da, orqasiga qayrilib, uy tomon yoʻl oldi. — N. Aminov, Suvarak

Qutidor hovlisiga qayrilar ekan, bek bilan xayrlashdi. — A. Qodiriy, Oʻtgan kunlar

Tozilar qayrildi kelgan yoʻliga, Oftoboy ergashdi tozilariga. — Rustamxon

Gʻulomjon toʻxtab, orqasiga qayrildi. Madaminxoʻja yetib keldi. — M. Ismoiliy, Fargʻona tong otguncha

3. Bukilmoq, bukchaymoq; munkaymoq.

Bagʻri tosh qayrilma qosh menga nasib qilgaymikin, Yoki qaddim qoshidek hajrida qayrilgaymikin. — S. Ahmad, Hukm

4. koʻchma Eʼtibor berib qaramoq, parvo qilmoq, iltifot koʻrsatmoq.

Qayrilmaganga qayishma. — Maqol

Sen qayrilsang menday mungligʻ holiga, Bilmayman ketdimi Oqtosh eliga. — Rustamxon

Kim bizga qayrildi, Ochlik, qahat toʻrt tomon. — Mirtemir.

[Rokiya:] Voy, yurtda nima koʻp, qiz koʻp. [Turgʻun:] Koʻp boʻlgan bilan birontasi qayrilib qaramasa. — N. Safarov, Hayot maktabi

sft. 1. Yoysimon egilgan, yoysimon egilib, qayrilib turadigan.

Usmonjonni koʻrgan Adolat sekin koʻzini pastga oldi. Uzun qayrilma kipriklar soya tashladi. — S. Zunnunova, Gulxan

Chakka sochlarini qoʻngʻir qilib, peshonasi ustiga yarim oydek qayrilma gajak tushirib yuradi. — J. Abdullaxonov, Toʻfon

2. Qayriladigan, qaytariladigan, yigʻma.

Qayrilma sopli pichoq.

3. Qaytarib qoʻyiladigan, qaytarma.

Mirza Bahrom qayrilma yoqa jujuncha kamzulining qoʻyin choʻntagidan kichkina daftarcha chiqarib, Tavhidiyga berdi. — A. Qahhor, Millatchilar

fl. Qayrilmoq feʼlining orttirma nisbati.