По запросу «qayralmoq» — результатов: 6
fl. 1. Qayramoq feʼlining oʻzlik va majhul nisbati.
Yaxshi qayralgan pichoq.
2. Toblanmoq, chiniqmoq.
Mehnatda qayralgan yigit.
fl. 1. Tosh yoki boshqa narsaga ishqab oʻtkirlamoq, charxlab, oʻtkir, keskir qilmoq.
Ustarani qayramoq. Pichoq qayramoq.
Etigining qoʻnjidan pichoq chiqarib, piyolaning orqasiga qayray boshladi. — T. Alimov, Odamsiz uylar
2. koʻchma Peshlamoq, oʻtkirlashtirmoq.
Irodani qayramoq. Ongni qayramoq.
Koʻpchilik oʻrtasida gapira olasanmi? Lab-dahanni bir qayrab, ishga solgin boʻlmasa, uka. — P. Tursun, Oʻqituvchi
A. Qodiriy yuqorida nomlari sanalgan gazeta-jurnallarda faol ishtirok etib, qalamini qayraydi. — Gazetadan
3. koʻchma Biror kimsa, tashkilot, mamlakat va shu kabilarni boshqasiga qarshi gijgijlamoq, tezlamoq, xezlamoq, oyoqlantirmoq.
[Suxsurov:] Idoradagi dushmanlarim sizni ham qoʻlga olganini, menga qarshi qayrab solganini bilardim. — A. Qahhor, Tobutdan tovush
Hammani raisga qarshi qayrab qoʻyib, endi yotigʻi bilan gaplashmoqchimisiz?! — Mushtum
ot Yogʻochi qattiq, shoxlari tigʻiz joylashgan, bargi mayda va toʻq rangli, qalin soya beradigan, suvsizlikka chidamli daraxt.
Bir bogʻ joʻxoripoya aravaga oʻq boʻlmaydi, lekin bitta qayragʻoch boʻladi. — A. Qahhor, Qoʻshchinor chiroqlari
Qurgʻoqchilikka chidamli daraxtlardan yana biri mayda bargli qayragʻochdir. — J. Abdullaxonov, Oriyat
Tut yogʻochday mevali onam, Qayragʻochday mevali onam. — Oq olma, qizil olma.
Yaqindagina ust-boshini tuzatib, qoramtir koʻk tusga kirgan qayragʻoch daraxtlari. — A. Qodiriy, Obid ketmon
fl. Qayramoq feʼlining orttirma nisbati.
fl. Qayramoq feʼlining birgalik nisbati.
