Қидирув

от Қардошларга хос ҳолат, муносабат.

Дўстлик, қардошлик, биродарлик биз етиб келган порлоқ манзилларнинг, юксак довонларнинг тамал тоши бўлиб қолди. — Х. Ёдгоров, Ҳаёт тўлқинлари

Дўстлик, қардошлик, ҳамкорлик алоқаларини мустаҳкамлашда адабиёт — китоб айниқса муҳим рол ўйнайди. — Н. Сафаров, Оловли излар

от 1. Дўстлик, биродарлик алоқалари билан боғланган, бир-бирига жуда яқин; дўст, биродар.

Қардош халқлар.

Келар дўстлар, қардошлар Марказий Фарғонага. — А. Пўлат

Усмон Серивелли шеърларида дўстимиз, қардошимиз озарбайжон халқининг бахтиёр қалби жаранглар эди. — Н. Сафаров, Оловли излар

2. Қариндош, қариндош-уруғ.

Акам сутемар бола вақтда онам касал бўлгани учун, Эргашнинг онаси акамни эмизган, у бизга сут қардош эди. — С. Айний, Эсдаликлар

Оға-ини, қардошимдан — Барчасидан жудо бўлдим. — Равшан

3. Ўзига тенг кишига мурожаат шакли; ошна, оғайни, биродар, ўртоқ.

Юрагингда нима дард бор, қардош? — А. Мухтор, Қорақалпоқ қиссаси

от Қариндошлик, қондошлик; ўзаро яқинлик.

Сирбой халқларимизнинг улуғ дўстлиги, қон-қардошлиги бошланган кун билан тенгдош экан. — Миртемир. Куйла, жигарим

рвш. Дўстона, биродарларча.

Қардошларча салом. Қардошларча ҳамкорлик.

[Аҳмадқул] Оддий деҳқонлар билан қардошларча суҳбатдош бўлади. — С. Айний, Эсдаликлар