Qidiruv

ot 1. Doʻstlik, birodarlik aloqalari bilan bogʻlangan, bir-biriga juda yaqin; doʻst, birodar.

Qardosh xalqlar.

Kelar doʻstlar, qardoshlar Markaziy Fargʻonaga. — A. Poʻlat

Usmon Serivelli sheʼrlarida doʻstimiz, qardoshimiz ozarbayjon xalqining baxtiyor qalbi jaranglar edi. — N. Safarov, Olovli izlar

2. Qarindosh, qarindosh-urugʻ.

Akam sutemar bola vaqtda onam kasal boʻlgani uchun, Ergashning onasi akamni emizgan, u bizga sut qardosh edi. — S. Ayniy, Esdaliklar

Ogʻa-ini, qardoshimdan — Barchasidan judo boʻldim. — Ravshan

3. Oʻziga teng kishiga murojaat shakli; oshna, ogʻayni, birodar, oʻrtoq.

Yuragingda nima dard bor, qardosh? — A. Muxtor, Qoraqalpoq qissasi

ot Qardoshlarga xos holat, munosabat.

Doʻstlik, qardoshlik, birodarlik biz yetib kelgan porloq manzillarning, yuksak dovonlarning tamal toshi boʻlib qoldi. — X. Yodgorov, Hayot toʻlqinlari

Doʻstlik, qardoshlik, hamkorlik aloqalarini mustahkamlashda adabiyot — kitob ayniqsa muhim rol oʻynaydi. — N. Safarov, Olovli izlar

rvsh. Doʻstona, birodarlarcha.

Qardoshlarcha salom. Qardoshlarcha hamkorlik.

[Ahmadqul] Oddiy dehqonlar bilan qardoshlarcha suhbatdosh boʻladi. — S. Ayniy, Esdaliklar

ot Bir ota-onadan tugʻilgan, bir avlodga mansub kishilar (bir-biriga nisbatan); qarindosh, qondosh.

ot Qarindoshlik, qondoshlik; oʻzaro yaqinlik.

Sirboy xalqlarimizning ulugʻ doʻstligi, qon-qardoshligi boshlangan kun bilan tengdosh ekan. — Mirtemir. Kuyla, jigarim