Qidiruv

fl. Qaqshamoq feʼlining orttirma nisbati.

Osmonni qoplab olgan chodirdek bulut quloq-burunni koʻkartirib, suyakni qaqshatuvchi achchiq izgʻirin qor boshlab keldi. — P. Tursun, Oʻqituvchi

Begunoh onani qon qaqshatib, erini tortib olayotgan ekanman-ku. — A. Muhiddin, Kuyov qochdi

fl. 1. Ogʻriqli zirqiroq tutmoq, sirqiramoq.

Aʼzoyi badanim qaqshayapti.

Loʻq-loʻq qaqshayotgan chakkalaridagi ogʻriq bosildi — S. Nurov, Narvon

Oyoqlari zir qaqshar, bir qadam bosishga ham madori kelmas edi. — M. Mansurov, Yombi

2. koʻchma Azob-uqubatli, mashaqqatli holatda boʻlmoq, shunday holatni kechirmoq.

U bechora, yoshligi ming xil azoblar bilan qaqshagan, xoʻrlangan, bechora xalqning bu qadar ishonch va ehtiromini hech vaqt xayoliga keltirganmikin? — A. Muxtor, Qoraqalpoq qissasi

Ezilgan, qaqshagan, och-u yalangʻoch, Xamita bir gʻaribparvarga muhtoj. — Habibiy

3. Zir-zir titramoq, qaltiroq tutmoq; qaltiramoq.

labi labiga tegmay titrar, aʼzoyi badani bezgak tutganday qaqshardi. — J. Abdullaxonov, Xonadon

4. Qurib, qaqrab qolmoq, qurib qoq boʻlmoq.

Bochka qurib, qaqshab ketibdi.

Qorakoʻl daryosi qurib, qaqshab yotibdi. — J. Abdullaxonov, Toʻfon

5. koʻchma Achinib, yolvorib yoki xafa boʻlib, koʻp gapirmoq.

Qaqshab gapirmoq. Koʻp qaqshadim, soʻzimga kirmadi.

Xadicha buvi ichkariga kirdi-yu oʻsha yerda qaqshab, qargʻab oʻtirdi. — M. Ismoiliy, Fargʻona tong otguncha

6. Achinarli, zor holatga tushmoq.

Qon qora qaqshamoq.

Karima opa qaqshab yigʻlayotgan oʻgʻlini yotogʻiga olib kirib yotqizdi. — M. Ismoiliy, Bizning roman

Juda xunuk ish boʻldi-da.

[Qizning] Onasi zor qaqshab, qidirib yurgandir. — S. Ahmad, Lochin

Bechora uvol ketibdi. Ota-onasi qaqshab qolibdi-da, attang, attang! — Oʻ. Umarbekov, Yoz yomgʻiri

qaqsatıwshı, qıyın awhalģa salıwshı, joq etetuģın, joq qılıp jiberetuģın

sft. Qaqshatuvchi, oʻnglanishi qiyin ahvolga soluvchi, yakson qiluvchi, yoʻq qilib yuboradigan.

Qaqshatqich zarba. Qaqshatqich jang. Qaqshatqich tanqid.

Nusratilla roʻparasida choʻyanday qorayib oʻtirgan dushmanning haqoratlariga qarshi qaqshatqich bir gap topolmay, hamon yonadi. — A. Muxtor, Opa-singillar

toʻrt-besh baravar koʻp kuchga ega boʻlgan dushman atakasi qaqshatqich oʻq dovuli bilan rad etilishi kerak. — T. Rustamov, Mangu jasorat