Қидирув

фл. Қантармоқ феълининг мажҳул нисбати.

фл. 1. Овқатга, ем-хашакка ета олмайдиган қилиб, арқонни калта қилиб боғламоқ (асосан от ҳақида).

Отряд., отдан тушди, ҳар ким ўз отини у ердаги дарахтлар шохига қантариб боғлади. — С. Айний, Қуллар

[Қудалар] Келиб тушди дегунча, бўғизлатиш учун деб бир ғўнон қўйни оғилнинг устунига қантариб қўйган эди. — А. Қодирий, Ўтган кунлар

2. Озиқ-овқат, сув бермай сириб қўймоқ, овқатдан, сувдан қисмоқ, оч қолдирмоқ.

— Бизни ишга юбормай, очликда қантарадилар, — деди Турсун. — А. Раҳмат, Брест қаҳрамони

3. кўчма с. т. Ишлатмай бекор, бўш қолдирмоқ; фойдаланмай дам бериб қўймоқ.

— Нега универсални қантариб қўйдинг, Содиқ? — деди Комилжон шотут тагида ўтирган универсалчига қараб. — И. Раҳим, Ихлос

Қантариб қўйилган машиналар ишга тушди. — С. Сиёев, Отлиқ аёл.

1. Қантар оғди Қишнинг ярми ўтди, иккинчи ярми бошланди

Булунғур туманидаги.. Ҳ. Муҳаммадқуловнинг айтишича, одатда, далвнинг 2-3-куни қантар оғади, яъни ер тагига иссиқ киради — Газетадан

2. шв. Қантарга олмоқ Қантарилиб, қиш уйқусига кетмоқ (қишда ухлаб, карахт бўлиб ётадиган ҳайвонлар ҳақида)

сфт. Қантариб қўйиш, қантариғлиқ ҳолатда тутиш ва шундай ҳолатнинг ўзи.

Ориқ ҳўкиз қантариқдан кўтармас бел. — Ғ. Ғулом

фл. шв. Қантармоқ.

фл. Қантармоқ феълининг биргалик нисбати.