Qidiruv

sft. 1. Oʻzaro qadr-eʼtiborli, bir-birini juda qadrlaydigan.

Bu kishi bizga juda qadrdon. Ikkalamiz eski qadrdonmiz.

Shumi hali qirq yillik qadrdondan chiqqan gap? — A. Qahhor, Yangi yer.

Ultarmalik Asrorqul Haydar otaning qadrdon oshnasi boʻladi. — A. Qahhor, Asror bobo

2. Koʻpdan beri tanish, oʻrganish boʻlgan, oʻrganib qolingan, qadrli boʻlgan.

Qadrdon bolalar. Qadrdon qishlogʻim.

Normat qadrdon bataloniga kelib, oshna-ogʻaynilari bilan uchrasharkan, sevinchini yuragiga sigʻdirolmay, juda gapdon boʻlib ketdi. — I. Rahim, Chin muhabbat

ot Qadrdonlarga xos munosabat, holat.

Siz oliy janobsiz: eski qadrdonlik hurmatiga, koʻngil uchun kulib boqarsiz. A. — Qodiriy, Oʻtgan kunlar

andishasiz kishining muomalasini qilsa, oʻttiz yildan ortiqroq umr koʻrgan qadrdonlik oʻylamasdan aytilgan bir ogʻiz soʻz qurboni boʻlur edi. — M. Ismoiliy, Odamiylik qissasi

fl. Oʻzaro qadr-eʼtiborli munosabatda boʻlmoq; qadrdon boʻlmoq.

Feruza, choʻl qishlogʻidagi begona kishilarning bir ona qornidan talashib tushgandek qadrdonlashib ketganini oʻz koʻzi bilan koʻrdi, ishondi. — H. Gʻulom, Senga intilaman

Oʻktam texnika fanlari doktori Oʻrmonov bilan qadrdonlashib qoldi. — Oybek, Oltin vodiydan shabadalar.