Qidiruv

fl. 1. Suv yoki boshqa suyuq narsani kuch bilan zarralarga aylantirib sochmoq.

Viltga qarshi dori purkamoq.

[Chol] Teriga suv purkaydi va koʻva bilan doʻq-doʻq urib, charmni tekislaydi. — Oybek, Tanlangan asarlar

Birov qanotlaringizning tagiga suv purkab qoʻyganmi deyman, davraga tusholmay, mirgʻayib turibsiz. — Askiya

2. koʻchma poet. Sochmoq, taratmoq.

Hozirgina diliga nur purkagan oʻylar yana koʻnglini gʻash qiluvchi ogʻir gumonlar bilan almashingandi. — O. Yoqubov, Larza

Ammo saraton tandiri oʻchakishganday yana ham alanga olib, otash purkardi. — Mirmuhsin, Umid

q.x. Ekinlarni hamda oʻrmonzorlarni zararkunandalar, kasalliklar va begona oʻtlardan himoya qilishda maxsus purkagichlar bilan pestitsid eritmalarini sepish; defoliatsiya usullaridan biri

ot Oʻsimliklarga suv va suyuq moddalar purkash uchun ishlatiladigan moslama, asbob.

Purkagich bilan ekin maydoniga dori sepmoq.

Mavsum muvaffaqiyatini taʼminlash uchun aniq tadbirlar ishlab chiqilgan. Purkagichlar, terim mashinalari, transport vositalari sozlanib, start kutib turibdi. — Gazetadan

fl. Purkamoq feʼlining birgalik nisbati.

ot Uchish apparatlaridan turib dori yoki boshqa moddalarni katta maydonga sochish uchun ishlatiladigan uskuna.